Actualidade
Novas e Axenda Bota un ollo á actividade do GEA

Inauguración da exposición “Orixe”

29/05/2017

“Orixe é un relato fotográfico do noso pasado actualizado”

Unha creación para poñer punto e final a catro anos de experiencia universitaria. Esa foi unha das claves da presentación de ‘Orixe’, unha exposición fotográfica na que os alumnos de cuarto de Xornalismo da USC plasmaron os seus recordos de infancia. Na mostra, que foi inaugurada esta mañá, poden apreciarse dende unhas porterías, pasando por esas bonecas coas que se xogaba de pequeno, ata unha actualización da foto que ocupa un lugar destacado nas estanterías da casa e que inmortaliza un momento do pasado.

Esta exhibición, enmarcada dentro das prácticas da materia Fotografía Contemporánea, divídese en tres ópticas distintas para coñecer os comezos persoais deses alumnos. Un espazo está dedicado a recrear unha fotografía de pequeno, volvendo ao mesmo lugar onde se tomou a instantánea. Unha segunda parte céntrase nos obxectos que máis marcaron a esas persoas: dende un libro ata un xoguete. Por último, a terceira das división desta exposición inmortaliza ese lugar que tantos recordos trae dos primeiros anos de vida, como a casa dos avós ou a praia.

Na presentación estiveron presentes, ademais dos propios alumnos, o profesor da materia Andrés Fraga e as representantes do Grupo de Estudos Audiovisuais, Margarita Ledo e Marta Pérez. Os propios autores das imaxes destacaron a importancia deste proxecto, que “fai botar a vista atrás e rememorar eses lugares ou obxectos, que cambiaran ou non, son verdadeiramente importantes para nós”. Pola súa parte, Ledo remarcou a importancia deste tipo de proxectos, engadindo que esta exposición, ao igual que a de anos anteriores, serán editadas polo Grupo de Estudos Audiovisuais nunha publicación que permita documentar os tres primeiros anos de esta iniciativa fotográfica. Ledo remarcou que accións como estas entran dentro da liña de investigación fotografica que leva a cabo o profesor Andrés Fraga dentro do grupo.

Este proxecto, que consta de 50 fotografías que poden ser visualizadas en tres espazos da singular estrutura da Facultade de Ciencias da Comunicación, estará disponible ata mediados de outubro..

MÁIS NOVAS
Remata a rodaxe da webserie interactiva “Amnesia 3.0”
A integrante do GEA Irene Pin dirixe este proxecto, premio á produción no Carballo Interplay
11/09/2019

Amnesia 3.0, webserie gañadora do premio a desenvolvemento de proxecto na última edición do Carballo Interplay (CIP), rematou o pasado domingo a súa rodaxe, que tivo lugar entre os concellos de Santiago de Compostela, Carballo e Zas. A integrante do GEA Irene Pin é guionista e directora desta aventura audiovisual, logo de erguerse co premio […]

Seguir lendo
“A Foresta e as Árbores” preséntase no CGAI cunha proxección de “Trote”
Margarita Ledo, Francisco Castro e José Luis Castro de Paz introducirán esta obra colectiva que explora o cinema galego máis actual
10/09/2019

O Centro Galego de Artes da Imaxe acolle o venres 20 de setembro ás 20:30 horas a presentación do libro A foresta e ás árbores. Para unha historia do cinema en lingua galega (2), editado polo Grupo de Estudos Audiovisuais da Universidade de Compostela e Galaxia. A publicación, que continúa a serie iniciada en Marcas […]

Seguir lendo
III Ciclo de Cinema Galego en Buenos Aires
5 filmes galegos pasarán polo Centro Galego até decembro
03/09/2019

O vindeiro venres 6 de setembro ás 19:30 dá comezo o III Ciclo de Cine Galego en Buenos Aires, coorganizado entre a Cátedra Galicia-América (Dirección Lectura Mundi, Universidad Nacional de San Martín) e o Centro Galicia de Buenos Aires. O Ciclo, baixo a dirección de Jorge Gil Morabes, proxectará na súa primeira reunión o filme […]

Seguir lendo
© 2019 Estudos Audiovisuais