O Grupo de Estudos Audiovisuais subiu a Vimeo dúas novas entrevistas realizadas a expertos no marco do proxecto eDCINEMA. Neste caso trátase de Guillermo Orozco e Luis Alfonso Albornoz. Guillermo Orozco é Catedrático de Ciencias da Comunicación na Universidade de Guadalajara (México). Luis Alfonso Albornoz é profesor do Departamento de Xornalismo e Comunicación Audiovisual da Universidade Carlos III de Madrid e director do proxecto de I+D+I ‘Diversidad Audiovisual’ www.diversidadaudiovisual.org Nas entrevistas abordan temas relacionados co proxecto do GEA, como a estandarización de contidos, o efecto dos cambios tecnolóxicos ou as variantes lingüísticas, co obxecto de explorar a relación do cinema e as políticas da diversidade.
Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo. Dende entón Galiza fai parte dos seus materiais e serán as mediametraxes Gitanos sin romancero (1976), Autopista: […]
Neste laboratorio FilmLAB LaC6, un grupo de vinte profesionais do cinema en activo de recoñecida traxectoria, acompañan nas fases inicias sete proxectos cinematográficos de novas autorías. Co fin de formar nas ferramentas necesarias no desenvolvemento e realización da propia obra audiovisual. Ademais de tempo e orientación para profundar nos proxectos, apréndese a elaborar un dossier […]
Os vindeiros 17 e 18 novembro a Asociación pola defensa das persoas con discapacidade/dependencia de Xuristas Inclusiv@s (IN.XURGA), organiza as III Xornadas Internacionais Violencia de xénero e muller con discapacidade IN.XURGA 2022, onde colaborará como asociada de honra a coordinadora do Grupo de Estudios Audiovisuais, Margarita Ledo Andión. intervirá o día 18 ás 18.00h coa […]