Tres publicacións promovidas por integrantes do GEA preséntanse no OUFF 2019
A sección «Letras de Cine» do festival busca contribuír á difusión do libro de temática audiovisual
O Ourense Film Festival 2019, que decorre do 27 de setembro ao 5 de outubro, inclúe este ano a presentación de tres publicacións recentes impulsadas por investigadoras e investigadores do Grupo de Estudos Audiovisuais da USC. Na sección «Letras de cine» do festival daranse a coñecer A foresta e as árbores, segundo volume da serie Para unha historia do cinema en lingua galega, obra colectiva que coordina a directora do GEA, Margarita Ledo Andión; Os amorodos de Bergman, de Fernando Redondo Neira; e o segundo número de Volvoreta. Revista de Literatura, Xornalismo e Historia do Cinema, editada pola Fundación Wenceslao Fernández Flórez, que preside José Luis Castro de Paz.
Esta sección, pensada para contribuír á difusión do libro de temática audiovisual, inaugúrase o domingo 29 de setembro, ás 11:00 horas, coa presentación de A foresta e as árbores (Editorial Galaxia, 2019). María Soliña Barreiro González, docente e investigadora da USC e autora do capítulo «Filmar o dó», será a encargada de introducirnos neste itinerario temático e analítico por algunhas das mostras máis representativas do filmes galegos realizados nos primeiros anos do século XXI.
O martes 1 de outubro, tamén ás 11:00 horas, chega a vez para que o catedrático de Comunicación Audiovisual da USC, José Luis Castro de Paz, dea a coñecer o último número da revista Volvoreta, que leva por título «El malvado Carabel (Wenceslao Fernández Flórez, 1931). Humor e crítica social da novela á pantalla».
Finalmente, o profesor e investigador Fernando Redondo Neira presentará o venres 4 de outubro ás 11:00 horas o libro Os amorodos de Bergman (Editorial Galaxia, 2019), obra gañadora do Premio Ramón Piñeiro de Ensaio 2018, convocado polo Centro Ramón Piñeiro e a editorial Galaxia. O ensaio de Redondo Neira parte dun rexistro fílmico das excursións da Sociedade de Amigos do Campo para reflexionar sobre a imaxe en movemento, ofrecendo unha visión do cinema como unha segunda oportunidade da memoria, unha segunda percepción do vivido.
The approval of the General Audiovisual Law in 2022 updated the Spanish regulatory framework, tackling some of the challenges presented by agents such as streaming platforms, but also leaving open some other related to diversity protection. The LEXCAV project, financed by the Programa Estatal de I+D+i Orientada a los Retos de la Sociedad and developed […]
The Teatro Colón in A Coruña was the setting this Friday for the 5th Culture Gala, an event in which the Deputación of A Coruña brought together 19 award winners in 13 categories. The event, hosted by journalist Susana Pedreira and actor and musician Xoán Fórneas, featured a performance by Caamaño & Ameixeira and a […]
Last Friday, April 17th, Rocío del Pilar Sosa Fernández, a member of GEA, presented the paper Accessibility and Efficiency in Virtual Production: A TAM-Based Comparison of Luma AI (NeRFs) and Smartphone LiDAR at the 2026 SJTU-IAMCR Emerging Media Conference: Creative Communication and Empowerment. The event was organised by the International Association for Media and Communication […]