Actualidade
Novas e Axenda Bota un ollo á actividade do GEA

Novas do I+D+I ‘EDCINEMA’ no Congreso IAMCR 2015.

17/07/2015

Baixo o título “Hexemonía ou resistencia, o papel ambiguo da comunicación” a presente edición do Congreso IAMCR aborda, do 12 ao 17 de xullo en Montreal, as diversas formas de concepción do termo ‘comunicación’ na sociedade contemporánea, en tanto valor vencellado a un ideal de transparencia social e de comunidade e en tanto ameaza en termos de dominación global. Neste contexto, e como continuación da labor de difusión dos avances do Proxecto de Investigación “Cara o Espazo Dixital Europeo. O papel das pequenas cinematografías en versión original.” (MINECO, CSO2012-35784), varios membros da equipa da investigadora toman parte no evento. O luns 13 de xullo, Ana Isabel Rodríguez, María Soliña Barreiro e Miren Manias presentan a comunicación “Crever l’hégémonie à la distribution filmique: langues minorisées et la distribution numérique”. O xoves 16, Margarita Ledo, Antía López e Marta Pérez presentan “An Act of Resistance: The Cinema of Small and Stateless European Nations in ‘Minor’ Languages”.

MÁIS NOVAS
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
Aberto o prazo de inscrición para o simposio `Malestares na cultura espec(tac)ular: perspectivas críticas desde a psicanálise´
A actividade, organizada polo GEA, terá lugar os vindeiros 12 e 13 de xuño na Facultade de Cc. da Comunicación
21/05/2024

Baixo o título “Malestares na cultura espec(tac)ular: perspectivas críticas desde a psicanálise”, o Grupo de Estudos Audiovisuais (GEA) organiza os días 12 e 13 de xuño un simposio para abordar as crebas das subxectividades contemporáneas desde un enfoque interdisciplinar que, a partir da constelación común do campo psicanalítico, integra a análise audiovisual, a crítica filosófica e a […]

Seguir lendo
Aberto o prazo de inscrición para Novas olladas á costa galega (2ª ed.)
Este obradoiro de fotografía documental co Colectivo Ollo terá lugar os vindeiros 6 e 7 de xullo en Noia
15/05/2024

Os vindeiros 6 e 7 de xullo na Sociedade Liceo de Noia (Noia) e baixo a dirección de Mª Soliña Barreiro González e Jennifer Novoa Domínguez, terá lugar a 2ª edición deste obradoiro de fotografía documental organizado polo Grupo de Estudos Audiovisuais e o colectivo fotográfico Ollo. Constará de 16 horas lectivas cun límite de asistencia de 25 persoas. […]

Seguir lendo
© 2024 Estudos Audiovisuais