Convocatoria do V Premio Literario NORTEAR
Aberto á participación da mocidade escritora de Galicia e do Norte de Portugal
Até o 28 de xuño de 2019 estará aberto o prazo para participar na 5ª Edición do Premio Literario NORTEAR, dirixido a escritoras entre os 16 e os 36 anos nadas ou empadroadas tanto en Galicia como na rexión Norte de Portugal.
O premio ten unha dotación económica única de 2.000 euros, á que se suma a publicación bilingüe da obra. Baixo a modalidade de relato curto admítense orixinais inéditos de entre 5.000 e 8.000 palabras, escritos en lingua portuguesa (novo acordo ortográfico) e en lingua galega (ILGA).
A convocatoria é produto dun acordo acadado pola Consellería de Cultura e Turismo xunto coa Dirección Rexional de Cultura do Norte de Portugal e a Agrupación Europea de Cooperación Territorial Galicia-Norte de Portugal para estableceren accións conxuntas de colaboración a nivel cultural.
Consulta as bases para máis información.
Con motivo dos seus 25 anos, a Asociación Galega de Produtoras Independentes (AGAPI) muda a súa web dotándoa dun novo deseño e funcións, procurando mellorar as prestacións ofrecidas. Deste xeito, a páxina pretende adaptarse ás necesidades do presente e ser unha ferramenta viva ao servizo do sector audiovisual. Esta nova web está estruturada en apartados […]
A Comisión de Normalización Lingüística da Facultade de Ciencias da Comunicación da USC convoca a oitava edición do certame Somos a curta!, que premia a mellor peza audiovisual curta en galego de cinema do real presentada por calquera integrante(s) do alumnado das universidades galegas, das titulacións impartidas nas escolas oficiais de Imaxe e Son ou […]
Son tempos complicados para o sector audiovisual, segundo conclúe o informe “O cine en Galicia”, ao térense rexistrado no cinema tradicional tanto unha perda de espectadores como de recadación. No último ano, seguindo a tendencia estatal, Galiza perdeu máis de 100.000 espectadores, rexistrando unha baixada dunha décima na asistencia media, para situarse en 1,4 filmes […]