“CONFOCO 2017: Fotógrafas, mulleres trala cámara”, Call for papers do CAVP-1 da Universidade Complutense de Madrid
O Departamento de Comunicación Audiovisual e Publicidade I [CAVP-1] da Facultade de Ciencias da Información da Universidade Complutense de Madrid vén de abrir o call for papers para o Congreso Internacional CONFOCO 2017: Fotógrafas, mulleres trala cámara, que terá lugar entre o 26 e 28 de abril de 2017 no Edificio Aulario da Facultade de Ciencias da Información. O 2 de abril de 2017 será a data límite para enviar as comunicacións para el congreso. Un encontro que quere “seguir historiando, debatindo e reflexionando sobre o feito fotográfico desde as súas orixes ata a actualidade”.
Nesta ocasión, a aposta que leva a cabo o Departamento CAVP-1 é a celebración dun Congreso Internacional sobre Fotografía que nace coa intención de contribuír á visibilización do papel da muller fotógrafa en aras de fomentar unha construción historiográfica, estética e pedagóxica máis completa e igualitaria dunha práctica profesional e artística que, por outro lado, historicamente estivo dominada e acaparada pola presencia dos homes.
As liñas de traballo propostas para este Congreso Internacional sobre Fotografía serán as seguintes:
— Pioneiras da fotografía: a muller na práctica fotográfica durante o século XIX e comezos do século XX.
— Fotoxornalismo e Documentalismo: a irrupción da muller na fotografía de prensa, o reporterismo de guerra e o documentalismo social.
— Construcións mediáticas sobre a muller fotógrafa. Desde os primeiros relatos literarios e publicitarios sobre a muller fotógrafa ata a súa representación mediática no cinema, a televisión, os videoxogos e as redes sociais.
— Fotografía e praxis artística: linguaxes e obra fotográfica na produción de mulleres artistas.
— O papel da muller no procesamento da imaxe: da praxe analóxica á era dixital.
— Asociacionismo, activismo e prácticas de empoderamento da muller a través da fotografía.
— Discursos curatoriais, prácticas museográficas e edición de fotolibros en relación á obra producida por mulleres fotógrafas.
— Teóricas da fotografía e prácticas pedagóxicas no uso e usos do fotográfico.
O Congreso só aceptará un máximo de 24 comunicacións. Os estudos deben ser froitos orixinais de investigación inéditas e de carácter científico-académico. As comunicacións poderánse escribir en castelán e inglés, cunha extensión máxima de 7000 palabras. As comunicacións deberanse enviar ao correo confoco@ucm.es.
Máis información en www.ucm.es/cavp1/confoco-2017
A Comisión de Normalización Lingüística da Facultade de Ciencias da Comunicación da USC convoca a oitava edición do certame Somos a curta!, que premia a mellor peza audiovisual curta en galego de cinema do real presentada por calquera integrante(s) do alumnado das universidades galegas, das titulacións impartidas nas escolas oficiais de Imaxe e Son ou […]
Son tempos complicados para o sector audiovisual, segundo conclúe o informe “O cine en Galicia”, ao térense rexistrado no cinema tradicional tanto unha perda de espectadores como de recadación. No último ano, seguindo a tendencia estatal, Galiza perdeu máis de 100.000 espectadores, rexistrando unha baixada dunha décima na asistencia media, para situarse en 1,4 filmes […]
Trala publicación do seu especial de lanzamento en 2019, 2i | Revista de Estudos de Identidade e Intermedialidade adicará o seu primeiro número a “Literatura e Televisión: Novas narrativas / ficcións transmedia”. A tal fin, está aberta a convocatoria para a publicación de artigos até o 31 de xaneiro de 2020. Acéptanse textos dun máximo […]