Actualidade
Novas e Axenda Bota un ollo á actividade do GEA

Canal Campus_lab

12/11/2013

Canal Campus_ lab. Laboratorio aberto de experimentación, emprendemento e creación visual e sonora, constitúese coma un espazo de diversificación cultural coa finalidade de estimular dentro da USC a creatividade sonora e visual en todas as súas facetas, así como para potenciar a capacidade de emprendemento cultural da comunidade universitaria nestes ámbitos de actuación e fortalecer a transferencia de coñecemento e innovación coa industria cultural e da comunicación de Galicia. Inicia a súa andaina no curso 2013/14 como espazo de experimentación e posta en valor de iniciativas relacionadas coa creatividade e innovación visual e sonora.
A través dunha programación diversificada, este laboratorio de creación adaptará as súas propostas de xeito puntual e oportuno ás demandas que non estean contidas de forma específica nos currículos académicos ou que, pola súa actualidade, superen neste ámbito competencial á programación reglada universitaria.

ÁMBITOS DE ACTUACIÓN

FORMACIÓN: cursos e obradoiros específicos nos ámbitos relacionados cos topics do CCL

INICIATIVAS: espacios e propostas de caracter lúdico funcional relacionadas con actividades de emprendemento creativo.

O equipo de Canal Campus Lab está composto por unha serie de investigadores especializados nos Popular Music Studies pertencentes ao Grupo de Investigación da USC “GI1786 – Comunicación Audiovisual: Contidos, Formatos e Tecnoloxía”.

CONTACTO
web: www.canalcampus.es
mail: info@canalcampus.es
Facultade de Ciencias da Comunicación
Campus Norte

MÁIS NOVAS
O Repertorio da Radio Galega da Emigración incorpórase ao catálogo da FaCom (USC)
Este recolle as actividades radiofónicas realizadas e protagonizadas polos emigrantes galegos fundamentalmente en América e Europa (1930 ata a actualidade).
17/07/2024

O Repertorio da Radio Galega da Emigración está dispoñible para consulta en sala na biblioteca da Facultade de Ciencias da Comunicación da Universidade de Santiago de Compostela. Un catálogo histórico das actividades radiofónicas realizadas e protagonizadas polos emigrantes galegos fundamentalmente en América e Europa, pero tamén noutros destinos menos frecuentes con presenza galega. Cronoloxicamente abrangue desde […]

Seguir lendo
Aberto o prazo para os Premios María Luz Morales
Este certame de ensaio e vídeoensaio está organizado pola Academia galega do Audiovisual
04/07/2024

A oitava edición dos Premios María Luz Morales de Ensaio e Vídeoensaio sobre o Audiovisual está en marcha. Os Premios María Luz Morales de Ensaio e Vídeoensaio sobre o Audiovisual son unha iniciativa que busca impulsar a produción académica relacionada co ámbito audiovisual. E estimularon a produción de 179 traballos de investigación en materia audiovisual desde a súa […]

Seguir lendo
Seminario “Película sen facer. Elementos dun cinema latente”
Os días 1 e 2 de xuño, no (S8) Mostra de Cinema Periférico da Coruña.
22/05/2024

O seminario, , parte do (S8) Mostra de Cinema Periférico da Coruña, dirixido a artistas, comisarios, cineastas, programadores, investigadores, arquiveiros e estudantes, de acceso libre, xira ao redor das películas inacabadas ou cuxa finalización foi truncada por motivos políticos, financeiros ou persoais, que nos conducirán por territorios como Irán, Marrocos, Corea do Sur ou España. […]

Seguir lendo
© 2024 Estudos Audiovisuais