VIII Conferencia Internacional sobre Cinemas Pequenos

A VIII Conferencia Anual Internacional sobre Cinemas Pequenos transcorreu entre os días 20 e 22 de setembro de 2017 no País Vasco, entre as cidades de Bilbo e Donosti-San Sebastián. Baixo a epígrafe “Diversity in Glocal Cinemas: Language, Culture, Identity” este congreso diríxese a académicos, creadores de políticas e profesionais dos medios de comunicación para tratar o fenómeno dos cinema glocais, entendidos como aqueles concibidos localmente e na lingua local, pero orientados a unha audiencia global.

Nas últimas décadas, a teoría cinematográfica adoptou conceptos como o de “globalización”, “transnacional”, “post-nacional”, “diaspórico” e “trans-rexional”, e o amplamente estendido foco no cinema norteamericano e europeo abriu un camiño para analizar prácticas ou expresións creativas menos coñecidas. Dúas forzas operan hoxe no alternante espazo dos cinemas mundiais: a globalización e a reacción a esta globalización a través do local e o étnico. As comunidades que procuran contar historias desde o seu punto de vista cultural e na súa lingua propia enfrontan extraordinarios desafíos nun mercado dominado por Hollywood e outras industrias maiores. Os organizadores desta conferencia cren que é a través do cinemas glocais que a diversidade cultural e lingüística pode reafirmarse, celebrarse e/ou examinarse criticamente.