Aberto o envío de comunicacións ao IX Encontro Anual da Associação de Investigadores da Imagem em Movimento
Até 15 de novembro de 2018
A Associação de Investigadores da Imagem en Movimento (AIM) invita a enviar propostas de comunicación para o seu IX Encontro Anual, que terá lugar en Santiago de Compostela do 13 ao 16 de maio de 2019, coa colaboración da Facultade de Xeografía e Historia da USC. Admítense propostas en portugués, galego, castelán ou inglés, que non excedan os 1500 caracteres (incluíndo espazos), nas seguintes áreas: cinema, televisión, vídeo e medios dixitais. As contribucións poderán ter forma de comunicacións individuais ou paneis pre-constituidos e o prazo para a recepción das mesmas remata o 15 de novembro.
Creada en 2010, a AIM pretende reunir en Portugal a investigadoras/es que teñen en común obxectos e temas de pesquisa relacionados coa imaxe en movemento. Con este obxectivo, a asociación realizou xa oito encontros anuais: na Universidade do Algarve, Faro (2011), na Universidade Católica Portuguesa, Lisboa (2012), na Universidade de Coimbra (2013), na Universidade da Beira Interior, Covilhã (2014), no ISCTE – Instituto Universitário de Lisboa (2015), na Universidade Católica Portuguesa, Porto (2016), na Universidade do Minho, Braga (2017) e na Universidade de Aveiro (2018).
As propostas para este IX Encontro Anual poden ser enviadas por membros da AIM (inscrición gratuíta) e por non membros (cunha taxa de inscrición de 60 €, tras a aceptación do traballo). Os proponentes que sexan membros da AIM terán que renovar a súa inscrición e proceder ao pagamento das cotas relativas á anualidade de 2019 até o 15 de novembro de 2018 (30€/normal; 20€/estudante).
Para más informacións sobre as condicións de participación, formas de contribución e envío de propostas, descarga a Chamada de Comunicacións
A Asociación Sindical Galega de Guionistas vén de convocar o «I Premio AGAG de Guión en Galego para Longametraxe» cos obxectivos de potenciar a lingua galega no audiovisual, promover ás autoras e autores que escriben en galego e axudar a difundir o traballo das persoas asociadas a AGAG. O premio conta cunha dotación de 2.500 […]
A terceira edición do CO(M)XÉNERO, Seminario Permanente de Comunicación e Xénero decorrerá nos días 18 e 19 de novembro na Facultade de Ciencias da Comunicación, organizado polo Grupo de Estudos Audiovisuais (GEA) e a Oficina de Igualdade de Xénero da USC. Nesta ocasión, as xornadas poñen o foco nos videoxogos, un sector tradicionalmente asociado ao […]
Do 2 ao 5 de outubro as Universidades de Grenoble-Alpes e Lyon acollen o coloquio internacional “Cando as mulleres filman: o documental na península ibérica e no continente latinoamericano”. Este encontro interuniversitario ten como obxecto o estudo da produción documental realizada por mulleres dos países da península ibérica ou do continente latinoamericano. A súa finalidade […]