Do 24 ao 26 de marzo de 2021 a Universidade do País Vasco (UPV-EHU) acollerá a 18ª edición do Congreso Internacional de Linguas Minorizadas (ICML, nas súas siglas en inglés). O obxectivo do congreso é crear un diálogo interdisciplinar para analizar como as linguas minoritarias se enfrontan aos retos que expoñen estes novos contextos plurilingües e multilingües e investigar como os falantes reinventan recursos lingüísticos minoritarios movéndose a nivel local e global.
A organización do evento abriu xa o prazo para a recepción de propostas de comunicacións, que poden ser remitidas a través dun formulario habilitado na páxina web do congreso. Acéptanse tres formatos, comunicacións individuais, pósters ou paneis, que poden presentarse en éuscaro, español, francés ou inglés. As propostas deben ser orixinais e non publicadas e poden enmarcarse en calquera dos temas prioritarios da edición:
- Experiencias de revitalización de linguas minorizadas en contextos plurilingües e globais.
- Políticas lingüísticas e planificación en contornas multilingües e multiculturais complexos.
- Criterios de educación, alfabetización e aprendizaxe para un sistema plurilingüe.
- Enfoques sociolingüísticos e etnográficos: ideoloxías lingüísticas, identidades e actitudes nun mundo globalizado e cambiante.
- Antropoloxía cultural e lingüística: o idioma na construción das relacións de poder e os desequilibrios sociais.
- Estudos de Comunicación e Medios: novos medios de comunicación, linguas minorizadas e plurilingüismo.
- Prácticas culturais e industrias creativas.
- Outras áreas de interese.
O vindeiro día 4 de febreiro, terza feira, ás 11h proxectárase no auditorio da Facultade de Ciencias de Comunicación da Universidade de Santiago o filme Morlaix. Posteriormente haberá un coloquio ao que asistirán o director da fita, Jaime Rosales, o Catedrático de Comunicación Audiovisual e Publicidade José Luis Castro de Paz e estudantes da facultade. […]
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo […]
A auto-biografía política, dar a ver a súa construción, a marca do dispositivo, o real como material que “debe ser ficcionado para ser pensado (Rancière) é un dos sinais e tamén os arquivos re-significados polas escrituras do “eu”, polo corpo, polos seus ecos, pola actuación… son entradas polas que accedemos ao interior do labirinto a […]