Actualidade
Novas e Axenda Bota un ollo á actividade do GEA

A Revista Fonseca amplía ate o 30 de setembro o prazo de recepción de artigos do monográfico ‘Renaming itself’

26/06/2015

O Fonseca Journal of Communication amplía ate o 30 de setembroo prazo de recepción de artigos para o monográfico de decembro. Baixo o título é “Cinema: renaming itself. Nuevas definiciones en el cine contemporáneo”, a edición é coordinada por Margarita Ledo Andión (Catedrática da Universidade de Santiago de Compostela e coordinadora do Grupo de Estudos Audiovisuais) e Begoña Gutiérrez San Miguel (Profesora Titular da Universidad de Salamanca).

Como resumo de referencia para as propostas, a publicación ofrece o seguinte:

“Cinema: the itself remake” ou como, dende o cinema, emerxe a necesidade de adxectivación para indicar a necesidade de construir un “eu”, un suxeito diferente. Que quere dicir, a día de hoxe, a connotación, o cambio de significado que se activa cando falamos de “cinema migrante”, “cinema colaborativo”, “cinema nacional”, “cinema feminista”, “cinema de clase”, “cinema identitario”… ou pares como “cine e inclusión”. Como se articula con algo tan aceptado (e seguramente pouco practicado) como Diversidade? Que prácticas / que aplicacións e accións esixe a posta en escena destes cinemas? Como se entrelaza o pensamento con estas variacións que inclúen, ademais, diferentes sistemas de coñecemento?”

Os textos deben enviarse tanto á dirección da revista fjcrevista@usal.escomo á directora e editora Begoña Gutiérrez San Miguel bgsm@usal.es. Os artigos serán avaliados por pares cegos e deberán seguir as normas da revista, dispoñibles neste enlace.

MÁIS NOVAS
O GEA recibe a Mención Honorífica da USC pola súa traxectoria a prol da igualdade de xénero.
O acto de entrega celebrarase o 9 de marzo ás 12.00 h no Paraninfo da USC
26/02/2021

A Oficina de Igualdade de Xénero da USC outorga ao  Grupo de Estudos Audiovisuais a Mención Honorífica en recoñecemento a unha consolidada traxectoria de investigación e actividades formativas con perpectiva de xénero. Entre as iniciativas e accións promovidas polo GEA e valoradas para a concesión desta mención, a Universidade pon énfase no desenvolvemento do CO(M)XÉNERO-Seminario […]

Seguir lendo
Publícase o Libro de Homenaxes da Asociación Española de Investigación da Comunicación (AE-IC)
Cos textos de Margarita Ledo, Néstor García Canclini e Ramón Zallo
09/02/2021

A Asociación Española de Investigación de la Comunicación (AE-IC) acaba de publicar en aberto o libro de homenaxes da última edición do seu congreso internacional, que recoñeceu a traxectoria de Margarita Ledo Andión, Néstor García Canclini e Ramón Zallo. O volume inclúe as laudatorias que lles dedicaron Emili Prado, Miquel de Moragas e Mª Trinidad […]

Seguir lendo
Margarita Ledo Andión tomará parte nas conferencias maxistrais do Museo Reina Sofía
Será o 26 de febreiro ás 18.00 horas
09/02/2021

A Cátedra Juan Antonio Ramírez do Museo Reina Sofía convida á investigadora, cineasta, poeta e escritora Margarita Ledo Andión ao seu programa de conferencias maxistrais. Baixo o título “Exilio. Feminismo. Ensaio fílmico: o corpo como vestixio“,  Ledo Andión propón unha reflexión en torno ao corpo como punto de chegada logo de percorrer un fío invisible que […]

Seguir lendo
© 2021 Estudos Audiovisuais