La producción del presente social en Televisión

A crecente mediación da experiencia, articulada polos denominados medios de comunicación –e de maneira hexemónica polo dispositivo televisivo–, constitúe un dos elementos definitorios da configuración da realidade individual e colectiva nas sociedades modernas. Trátase dunha mediación cuxa intensidade e omnipresencia fai que, tan só de maneira esporádica, o espectador se interrogue acerca da «realidade» dos acontecimentos que se materializan, fugaces e parpadeantes, na pantalla do seu televisor: aínda que en poucas ocasións coa intensidade experimentada por aqueles televidentes que, o once de setembro de 2001, asistían en directo á sobrecolledora hecatombe provocada polos dous avións comerciais que –tras ser secuestrados por terroristas suicidas– sementaban a destrución no corazón financeiro de Manhattan.