Actualidade
Novas e Axenda Bota un ollo á actividade do GEA

Publicado o libro “Una calculada resistencia: Cine y literatura popular después de la Guerra Civil (1939-1962)”, vinculado ao I+D+i sobre o cinema español posbélico

12/09/2015

A Sociedad Latina de Comunicación Social (La Laguna, Tenerife) acaba de publicar o número 88 da colección Cuadernos Artesanos de Comunicación, co título Una calculada resistencia: Cine y literatura popular después de la Guerra Civil (1939-1962). Trátase dunha obra realizada polo I+D+i Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648. Mineco – Goberno de España), e que xorde da Mesa Temática Literatura y cine popular después de la Guerra Civil española (1939-1962), organizada en decembro do pasado ano polo propio Proxecto de Investigación dentro do VI Congreso Latina de Comunicación Social.
Coordinado por Carmen Arocena, José Luis Castro de Paz e Fernando Gómez Beceiro, e con prólogo de Santos Zunzunegui, Una calculada resistencia: Cine y literatura popular después de la Guerra Civil (1939-1962) inclúe tanto os traballos derivados da devandita Mesa Temática como novas achegas de investigadores afíns ao equipo de traballo. A obra vén engrosar así a investigación abordada desde o Proxecto sobre os modelos de estilización do cinema español posbélico, afondando especialmente nesta ocasión no peso de certas correntes de literatura popular (Wenceslao Fernández Flórez, Hermanos Quintero, Carlos Arniches, Santiago Rusiñol, etc.) na configuración desas formas expresivas propias do cinema realizado no escuro período histórico que sucede á Guerra Civil española, mantendo sólidos fíos coas tradicións culturais populares (novela semanal, sainete, género chico, zarzuela, carnaval, certa pintura…) que xa nutriran ao cine nacional-republicano.
Xunto ao tradicional formato en papel, o libro está dispoñible integramente en versión dixital na páxina de Cuadernos Artesanos de Comunicación.
Exponse a continuación a relación dos capítulos que integran o volume:

1. Las gafas del diablo: concepciones, adaptaciones e irradiaciones del humor de Wenceslao Fernández Flórez
Héctor Paz Otero y Fernando Gómez Beceiro

2. El Yo que enuncia: Autoconsciencia y reflexividad en el cine español de postguerra
Francisco Javier Gómez Tarín y Agustín Rubio Alcover

3. De imágenes primordiales. Fundamentos literario-plásticos del Modelo de estilización formalista-pictórico
Javier Moral

4. Notas sobre el costumbrismo y el cine español
Carmen Arocena Badillos y Nekane E. Zubiaur Gorozika

5. De antropófagos, verdugos, suicidas, cadáveres y demás ralea. Algo sobre el humor negro y el cine español (1930-1963)
Alejandro Montiel Mues

6. L’auca del senyor Esteve en el cine de la posguerra: de Rusiñol a Neville o el sainete catalanista
José Luis Castro de Paz

7. La figura del autor literario en los discursos sobre el cine Nacional del primer franquismo: Wenceslao Fernández Flórez
Sonia García López

8. Acercamiento a Unos pasos de mujer: novela y cine
José María Folgar de la Calle

MÁIS NOVAS
Aberto o prazo de inscrición para Novas olladas á costa galega (2ª ed.)
Este obradoiro de fotografía documental co Colectivo Ollo terá lugar os vindeiros 6 e 7 de xullo en Noia
15/05/2024

Os vindeiros 6 e 7 de xullo na Sociedade Liceo de Noia (Noia) e baixo a dirección de Mª Soliña Barreiro González e Jennifer Novoa Domínguez, terá lugar a 2ª edición deste obradoiro de fotografía documental organizado polo Grupo de Estudos Audiovisuais e o colectivo fotográfico Ollo. Constará de 16 horas lectivas cun límite de asistencia de 25 persoas. […]

Seguir lendo
Margarita Ledo Andión participa nas xornadas “50 anos do 25 de abril”
A Catedrática emérita do GEA estará presente no coloquio: "O 25 de abril do outro lado do Miño" na Facultade de Filoloxía da USC
12/04/2024

A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]

Seguir lendo
30 aniversario da AGAPI
A segunda xornada terá lugar o mércores 17 de abril na Facultade de Ciencias da Comunicación da USC
12/04/2024

Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]

Seguir lendo
© 2024 Estudos Audiovisuais