La Voz de Galicia: Ana Kiro, recepción e identidade nacional

Cando a obra artística dunha figura se identifica cunha identidade nacional determinada, esta convértese habitualmente en obxecto de disputa e dá lugar a lecturas en conflito. É o caso de Ana Kiro, cantante que desde os anos setenta se converteu nunha figura enormemente popular en Galicia ao abordar a experiencia da emigración, a paisaxe local ou a cultura tradicional en cancións pop con elementos folclóricos. Durante anos, Kiro foi a miúdo interpretada (e criticada) como unha icona conservadora, pero na última década apareceron numerosas voces que buscan a súa resignificación como referente feminista, lusista ou LGTBI. Este texto analiza a recepción de Ana Kiro e a súa conexión cos debates ao redor da identidade nacional galega.