Històries del Punt: memoria oral y archivos menores para una historia desde abajo del Mataró industrial

Històries del Punt é un proxecto documental e comunitario para a valorización da memoria da clase traballadora de Mataró (Barcelona) a través da recuperación e reutilización de fontes consideradas tradicionalmente menores para a historia e o audiovisual (fotografías amateurs, imaxes da televisión local, filmes industriais e memoria oral). O seu obxectivo é construír un “lugar de memoria” para unha cidade onde o 90% da poboación viviu directa ou indirectamente da industria téxtil e que hoxe tan só escribiu a súa historia tecnolóxico-política. O proceso de desenvolvemento do proxecto levou tamén á configuración dunha concepción da memoria desde o colectivo e desde o habitualmente pouco enunciado. Isto permitiu redescubrir non só fontes, senón feitos históricos descoñecidos como unha rede de aborto clandestina, pequenas sabotaxes, redes solidarias, traballo en negro, psicoloxía da migración, da maternidade… e, sobre todo, poñer en valor unha experiencia material compartida desde a heteroxeneidade da clase traballadora da cidade.