Carta da Galiza

«Cibercultura, regulación, cooperación son as tres entradas que artellaron o XII congreso LUSOCOM / III MEDIACOM, celebrado en Praia, Capital de Cabo Verde, do 19 ao 21 de outubro de 2016. Dende escenarios comunicacionais interconectados tratábase de procurar modelos de cooperación dende a diferenza, de debater sobre a regulación como mecanismo garante da literacia mediática e como parte do dereito a comunicar, e de facelo so o signo de múltiples voces, da aposta intercultural e da relación entre iguais a partir de situacións e necesidades diferentes».