O proxecto I+D+i sobre o cinema español posbélico colaborará nunha xornada científica sobre Wenceslao Fernández Flórez que se celebrará en Lyon
O venres 10 de outubro celebrarase na cidade francesa de Lyon a Xornada Wenceslao Fernández Flórez: Cine y literatura, vinculada ó Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España).
Trátase dun encontro científico no que relevantes investigadores (algúns deles membros do equipo do proxecto), reflexionarán sobre a decisiva influencia da obra de Wenceslao Fernández Flórez no cinema español.
A xornada estará organizada pola Universidade de Santiago de Compostela (Grupo Estudos Audiovisuais), a Universidade de Lyon, o Grupo GRIMH e o Instituto Cervantes de Lyon, e está enmarcada dentro dos actos conmemorativos do cincuenta aniversario do pasamento do escritor coruñés, formando parte así mesmo das tarefas de divulgación investigadora acometidas dende o Proxecto, que neste caso amplía a súa difusión alén das nosas fronteiras.
Ademais, como actividade complementaria, o día anterior ó encontro proxectarase no Instituto Cervantes de Lyon a transcendental película El destino se disculpa, dirixida en 1945 por José Luis Sáenz de Heredia, sobre unha obra de Wenceslao Fernández Flórez.
Achegamos a continuación o listado de relatorios que compoñen o programa da xornada:
Relatos melancólicos y costumbristas de la “pobre gente española”
José Luis Castro de Paz (asinada con Héctor Paz Otero e Fernando Gómez Beceiro)
Las dos versiones (1918 y 1940) de “Las gafas del diablo”: costumbrismo y crítica social
Jacques Soubeyroux
Del texto a la imagen o de los mitos fundamentales de la obra de Wenceslao Fernández Flórez
Philippe Merlo
“Odio”, un guion olvidado de Wenceslao Fernández Flórez
Jean-Claude Seguin
Antropología del deseo en Volvoreta (1976) de José Antonio Nieves Conde
Sonia Kerfa
Histriones y cómicos: los actores en el cine español
Santos Zunzunegui
“El bosque animado”, fictions cinématographique, littéraire et légendaire
Marion Le Corre-Carrasco
A Fundación Carlos Velo promove a celebración destas xornadas sobre a figura, a obra e o legado do director ourensán Carlos Velo que terán lugar na Facultade de Ciencias da Comunicación do 27 ao 28 de novembro. Coincidindo coa celebración do 110 aniversario do seu nacemento en Cartelle, e baixo o título ‘Carlos Velo na […]
O membro do grupo de Estudos Audiovisuais e presidente da Fundación Wenceslao Fernández Flórez, José Luis Castro de Paz, participa o vindeiro día 8 de novembro na presentación do libro O cronista imposible: A obra periodística de Wenceslao Fernández Flórez, na compaña do autor do volume, Óscar Reboiras Loureiro. O acto de presentación terá lugar […]
O CO(M)XÉNERO, Seminario Permanente de Comunicación e Xénero impulsado polo Grupo de Estudos Audiovisuais foi distinguido nos X Premios á Introdución da Perspectiva de Xénero que entrega cada ano a USC. O seminario, que celebra a súa terceira edición o vindeiro mes de novembro, está coordinado pola catedrática e directora do GEA, Margarita Ledo Andión, […]