Marta Pérez Pereiro presenta “A Costa dos Murmúrios” no VI Ciclo de Cinema Portugués do Instituto Camões de Vigo
A investigadora do Grupo de Estudos Audiovisuais Marta Pérez Pereiro participará este mes de xuño no VI Ciclo de Cinema Portugués organizado polo Centro Cultural do Instituto Camões de Vigo. Esta edición está adicada ás realizadoras portuguesas, facendo fincapé na aparición de moitas directoras no cinema portugués recente e tentando representar diferentes xeracións de cineastas. Pérez Pereiro presentará e conducirá o debate arredor de A costa dos murmúrios, de Margarida Cardoso, o venres 17 de xuño ás 19 horas. A entrada é gratuita e a programación completa é a seguinte:
16 de xuño, 19 horas:
Falta-me (Cláudia Varejão, 2004, 20′)
Carlos de Oliveira: Sob o lado esquerdo (Margarida Gil, 2007, 49′)
Presentación: María do Cebreiro e João Ribeirete.
Coa presenza de Margarida Gil
17 de xuño, 19 horas:
A costa dos murmúrios (Margarida Cardoso, 2004, 115′)
Presentación e debate: Marta Pérez Pereiro
22 de xuño, 19 horas:
Yvone Kane (Margarida Cardoso, 2014, 117′)
Presentación e debate: Ana Gravata
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]