Días do Cinema Palestino ’23
Proxección do filme Tecendo Palestina (Stitching Palestine) dirixida por Carol Mansour ás 12:00 da mañá na Facultade de Ciencias da Comunicación
Mentres os medios de comunicación internacionais, líderes mundiais e as principais plataformas de redes sociais participan na censura e distorsión da narrativa, ao mesmo tempo que perpetúan a deshumanización dos palestinos e o seu sufrimento constante, estendemos as nosas plataformas en apoio ao Festival “Días do Cinema Palestino”, que foi cancelado pola forza.
No sombrío aniversario da Declaración de Balfour, asinada o 2 de novembro, e nun esforzo por amplificar as voces palestinas, proxectaremos a película Tecendo Palestina (Stitching Palestine, 2017) dirixida por Carol Mansour ás 12:00 da mañá na Facultade de Ciencias da Comunicación, no campus norte da Universidade de Santiago de Compostela.
A proxección é de balde.
Tecendo Palestina (Carol Mansour, 2017).
Doce mulleres resistentes, decididas e elocuentes, procedentes de distintos ámbitos da vida: avogadas, artistas, amas de casa, activistas, arquitectas e políticas, cosen xuntas a historia da súa terra natal, da súa desposesión e da súa inquebrantábel determinación de que prevaleza a xustiza. A través das súas historias, o individual entretécese co colectivo, sen deixar de ser claramente persoal. Doce mulleres, doce vidas e historias de Palestina; unha terra cuxa posición estaba fixada no mapa do mundo, pero que agora está bordada na seu rostro.
O vindeiro 13 de decembro na Facultade de Ciencias da Comunicación, Aula 8, terá lugar a prsentación dos resultados do proxecto de investigación FACCTMedia, Instrumentos de rendición de contas ante a desinformación: Impacto das plataformas de fact-checking como ferramentas de accountability e proposta curricular. O proxecto FACCTMedia, financiado polo Ministerio de Ciencia e Innovación (PID2019- […]
Ciclo sobre a fotografía e a construción da realidade no Museo Etnolóxico de Ribadavia. Neste ciclo, que está vinculado á exposición Mentindo con mestría. Montaxes fotográficas de Agusto Pacheco (1948-1973), o tema principal será a fotomontaxe falando de diferentes artistas, técnicas e expresións. Na sexta feira, 3 de santos ás 8 da tarde, comezamos con: […]
O programa Faíscas Culturais é unha iniciativa da Vicerreitoría de Estudantes e Cultura que ten como obxectivo prender a reflexión cultural nas aulas da USC e complementar a formación do estudantado a través de intervencións e actividades de carácter cultural Un rastro de furia e algas. Reflexións sobre o futuro do planeta Terra é un programa […]