Defensa da tese doutoral: «Análise do potencial educativo presencial e a distancia utilizando recursos inmersivos en realidade virtual e aumentada».
O pasado venres, día 29 de novembro, Rocío do Pilar Sosa Fernández, investigadora en formación do Grupo de Estudos Audiovisuais, defendeu a súa tese doutoral. Obtivo a cualificación Sobresaínte Cum Laude, por unanimidade, e a mención internacional pola estancia de investigación realizada na Universidade de Aalto, en Finlandia. A dirección da tese estivo a cargo do profesor da Facultade de Ciencias da Comunicación Roi Méndez Fernández.
O xurado estivo composto por Julio Cabero Almenara, catedrático da Universidade de Sevilla e presidente do tribunal; Hans Hummel, profesor asociado da Open University dos Países Baixos, e Marta Rodríguez, profesora da Universidade de Santiago de Compostela.
Parte do coñecemento adquirido na investigación transferiuse ao proxecto europeo CloudClass (Low Cost, Mobile, Cloud & Template Based Augmented Reality Studio for Education), no que se enmarca, e que foi posible grazas á colaboración mutua entre a empresa Brainstorm Multimedia e a Universidade de Santiago de Compostela.
A tese aborda o uso da ferramenta Edison, un software para crear presentacións en tempo real con realidade mixta; por parte de docentes, discentes e outros usos académicos. A doutoranda detallou a relevancia de crear máis casos de uso noutros ámbitos, áreas de coñecemento e diferentes niveis académicos que permitan corroborar o potencial de uso da tecnoloxía. Este labor será posible coa próxima redacción dun libro branco sobre o ensino coa tecnoloxía dos estudos virtuais de televisión e a continuación de desenvolvementos con VIRTUS (a plataforma tecnolóxica para a investigación virtual da USC).
Os días 10 e 11 de novembro a Facultade de Comunicación acollerá a decimoterceira edición do seminario CO(M)xénero, este ano titulada “Erro inesperado. Artesás e sintéticas contra as violencias na imaxe pública”. A inscrición xa está aberta, a participación é de balde ate completar aforo e a asistencia ó seminario é unha actividade recoñecida para […]
A aprobación da Lei Xeral do Audiovisual en 2022 actualizou o marco normativo español en materia audiovisual, abordando algúns dos retos presentados por axentes como as plataformas de streaming pero deixando abertos algúns outros no relativo á protección da diversidade. O proxecto LEXCAV, financiado polo Programa Estatal de I+D+i Orientada a los Retos de la Sociedad e desenvolvido polo Grupo Estudos Audiovisuais, ten realizado nos […]
O Teatro Colón da Coruña foi o escenario este venres da V Gala da Cultura, unha cita na que a Deputación da Coruña reuniu 19 persoas premiadas en 13 categorías. O evento, presentado pola xornalista Susana Pedreira e o actor e músico Xoán Fórneas, contou coa actuación de Caamaño & Ameixeira e cunha destacada presenza […]
