As Xornadas Acércate do Concello de Ames sobre igualdade e prevención da violencia de xénero contarán coa presenza de Margarita Ledo
A coordinadora do Grupo de Estudos Audiovisuais, Margarita Ledo Andión, será unha das relatoras nas VI Xornadas Acércate de igualdade e prevención da violencia de xénero. Organizadas polo Concello de Ames, a Deputación da Coruña e o CIM de Ames, terán lugar o 17 de novembro na Casa da Cultura do Milladoiro a partir das 8:30 da mañá.
Margarita Ledo presentará a conferencia “Xénero e Política de Representación: muller, violencia e poder” ás 9:45. Ademais dela, intervirán outras relatoras do ámbito da xustiza, como a Valedora do Pobo Milagros Otero ou a xuíza Francisca Verdejo. O programa completo, que tamén inclúe obradoiros pola tarde, está dispoñible na web das xornadas.
A Fundación Carlos Velo promove a celebración destas xornadas sobre a figura, a obra e o legado do director ourensán Carlos Velo que terán lugar na Facultade de Ciencias da Comunicación do 27 ao 28 de novembro. Coincidindo coa celebración do 110 aniversario do seu nacemento en Cartelle, e baixo o título ‘Carlos Velo na […]
O membro do grupo de Estudos Audiovisuais e presidente da Fundación Wenceslao Fernández Flórez, José Luis Castro de Paz, participa o vindeiro día 8 de novembro na presentación do libro O cronista imposible: A obra periodística de Wenceslao Fernández Flórez, na compaña do autor do volume, Óscar Reboiras Loureiro. O acto de presentación terá lugar […]
O CO(M)XÉNERO, Seminario Permanente de Comunicación e Xénero impulsado polo Grupo de Estudos Audiovisuais foi distinguido nos X Premios á Introdución da Perspectiva de Xénero que entrega cada ano a USC. O seminario, que celebra a súa terceira edición o vindeiro mes de novembro, está coordinado pola catedrática e directora do GEA, Margarita Ledo Andión, […]