Infrarrepresentación e distorsión da identidade nos medios durante os conflitos laborais: O caso da folga das traballadoras de Bershka

O espazo mediático mantense como un campo de batalla nos conflitos laborais na época das redes sociais porque os medios de comunicación continúan sendo un espazo de presión e socialización do conflito. Os traballadores han de loitar contra o silencio ou a distorsión. O presente artigo analiza a cobertura mediática da folga máis longa que se desenvolveu contra Inditex, organizada polas traballadoras de Bershka en Pontevedra en 2017. As traballadoras, ademais de romper o silencio mediático –especialmente duro sendo Inditex o patrón– houberon de superar os prexuízos relacionados coa súa mocidade e o seu sexo. Para iso, empregaron as estratexias sindicais tradicionais (manifestacións, piquetes) e novas formas de acceder á axenda mediática (redes sociais, comentarios virtuais, vídeo panfletos…). Metodológicamente, este artigo analiza a construción identitaria que a prensa fai do conflito e a contra-narrativa presentada polas traballadoras a través da análise do contido das noticias (teoría do framing), da análise dos materiais creados polas propias traballadoras e do estudo de contido das entrevistas en profundidade realizadas a xornalistas e traballadoras.