Actualidade
Novas e Axenda Bota un ollo á actividade do GEA

Próxima publicación de “Modos de representación en el cine español posbélico (1939-1950). Costumbrismo, humor, melancolía y reflexividad o la impronta de Wenceslao Fernández Flórez”, de José Luis Castro de Paz

19/03/2013

Próximamente verá a luz o libro Modos de representación en el cine español posbélico (1939-1950). Costumbrismo, humor, melancolía y reflexividad o la impronta de Wenceslao Fernández Flórez, onde José Luis Castro de Paz, Investigador Principal do proxecto Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez, ofrece ao mesmo tempo unha culminación e un punto de partida tras máis de dúas décadas de pescudas sobre o cinema español dos anos corenta.
O volume constitúe un rigoroso estado da cuestión e o primeiro elo do proxecto recentemente iniciado e, como tal, está chamado a converterse no inescusable cimento historiográfico dende o que ollar con minuciosidade ata que punto os materiais populares a partir dos cales se xeran nos anos corenta (expandíndose e transformándose na década seguinte) as máis singulares e rugosas estilizacións (rechamante reflexividade, presenza de “dobres ficcións”, particularísima subxectividade “pictórica” que paradoxalmente renuncia ó punto de vista subxectivo, desolación psíquica dos protagonistas masculinos, humor e costumismo…) nútrense e/ou apóianse, trócanse e/ou radicalízanse a partir de fondas raspaduras formais cuxo embrión se atopa, en última instancia, na literatura do escritor Wenceslao Fernández Flórez (A Coruña, 1885-1964), o máis adaptado no período.

MÁIS NOVAS
Llorenç Soler: M’agrada pensar que sóc un amateur de tot el que faig
09/11/2022

Seducido polas moitas realidades que acubilla a cidade, Llorenç Soler filma en 1976 o Primeiro Seminario de Arquitectura de Compostela (1976), de carácter descritivo e, en paralelo, unha peza de montaxe radical na forma e na denuncia: Antisalmo.  Dende  entón Galiza fai parte dos seus materiais e serán as mediametraxes Gitanos sin romancero (1976), Autopista: […]

Seguir lendo
Margarita Ledo Andión participará como profesorado no Laboratorio FilmLAB LaC6 en Mieres
A coordinadora do GEA partillará experiencias no módulo 2 do laboratorio: "Formas y narrativas. Estructuras del guión cinematográfico"
09/11/2022

Neste laboratorio FilmLAB LaC6, un grupo de vinte profesionais do cinema en activo de recoñecida traxectoria, acompañan nas fases inicias sete proxectos cinematográficos de novas autorías.  Co fin de formar nas ferramentas necesarias no desenvolvemento e realización da propia obra audiovisual. Ademais de tempo e orientación para profundar nos proxectos, apréndese a elaborar un dossier […]

Seguir lendo
III Xornadas Internacionais Violencia de xénero e muller con discapacidade IN.XURGA 2022 coa participación de Margarita Ledo Andión
Os vindeiros 17 e 18 novembro de 2022 realizaránse as xornadas en streaming
09/11/2022

Os vindeiros 17 e 18 novembro a Asociación pola defensa das persoas con discapacidade/dependencia de Xuristas Inclusiv@s (IN.XURGA), organiza as III Xornadas Internacionais Violencia de xénero e muller con discapacidade IN.XURGA 2022, onde colaborará como asociada de honra a coordinadora do Grupo de Estudios Audiovisuais, Margarita Ledo Andión. intervirá o día 18 ás 18.00h coa […]

Seguir lendo
© 2022 Estudos Audiovisuais