Actualidade
Novas e Axenda Bota un ollo á actividade do GEA

Now available the monograph of L’Atalante linked to the Research Project on the Post-war Spanish Cinema

02/08/2015

Acaba de ser editado o número 20 de L’Atalante. Revista de estudios cinematográficos, co título Heridas, pervivencias, transformaciones. Modelos de estilización en el cine posbélico español (1939-1962). Trátase dun número monográfico vinculado ao Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648. Mineco – Goberno de España), coordinado polo Investigador Principal José Luis Castro de Paz e o divulgador cinematográfico Santiago Barrachina Asensio, contando coa participación de gran parte dos investigadores que conforman o equipo de traballo do Proxecto.
Así pois, o Cuaderno da revista —cinco de cuxos sete artigos foron elaborados directamente dende o Proxecto— consiste nunha reflexión sobre a evolución de determinados modelos de estilización desenvolvidos no cinema español ao longo dos anos corenta e cincuenta do pasado século, con diversas aproximacións —de José Luis Castro de Paz, Fernando Gómez Beceiro, Héctor Paz Otero, Javier Moral Martín, Fernando Redondo Neira, Sonia García López, Iñigo Larrauri Garate, Susana Díaz e Manuel de la Fuente— que inciden nas transformacións fílmicas e históricas dese período do noso cinema, aínda tan deostado e mal coñecido coma fascinante e poboado de títulos de incontestable altura estética e cultural.
Ademais, o Diálogo do número recupera unha entrevista de José Luis Castro de Paz e Julio Pérez Perucha ao cineasta José Antonio Nieves Conde —figura clave no cinema da posguerra—, mentres que a sección (Des)encuentros incorpora unha discusión de cinco relevantes historiadores —Santos Zunzunegui, Juan Miguel Company, Alejandro Montiel, Jean Claude Seguin e Jenaro Talens— que supón un exercicio de necesaria actualización teórica e historiográfica deste transcendental período do cinema español.
L’Atalante. Revista de estudos cinematográficos é unha publicación semestral sen ánimo de lucro editada en Valencia coa colaboración de diversas universidades, e indexada en prestixiosos catálogos, directorios, sumarios e bases de datos de revistas de investigación e divulgación científica, figurando a nivel internacional en Arts and Humanities Citation Index® e en Current Arts and Humanities® de Thomson Reuters (Filadelfia, EUA), en Latindex (Sistema Rexional de Información en Liña para Revistas Científicas de América Latina, o Caribe, España e Portugal), en SCOPUS de Elsevier (Ámsterdam, Países Baixos) e en Library of Congress (Washington, EUA). En España consta na base de datos do CSIC de Revistas de Ciencias Sociais e Humanas ISOC, no portal bibliográfico de literatura científica hispana DIALNET e en REBIUN (Rede de Bibliotecas Universitarias).
O número Heridas, pervivencias, transformaciones. Modelos de estilización en el cine posbélico español (1939-1962) xa está dispoñible na súa versión dixital en castelán a través da páxina web da revista e proximamente publicarase tamén en lingua inglesa, contando así mesmo cunha edición impresa que estará dispoñible a partir de setembro.

MORE NEWS
A Facultade de Ciencias da Comunicación acolle a xornada “Soundscapes: Cartografías sensoriais e paisaxes sonoras”
O GEA é un dos grupos organizadores do evento que se celebrará o xoves 16 de xuño
14/06/2022

Na súa interdisciplinariedade, os estudos sobre a paisaxe sonora das nosas cidades poden dicirnos moito acerca do xeito en que vivimos e, máis aínda, como facelo dun xeito más atento, empático e común. No día 16 de xuño teremos ocasión de reflexionarmos na USC sobre estas temáticas na xornada Soundscapes: Cartografías sensoriais e paisaxes sonoras, […]

Keep reading
Call for papers for Lusocom is now open
Proposals for the Congress can be submitted until 30 June
24/05/2022

The XIV Lusocom Congress will be held in Porto on 25-26 October and will be organised by the University of Porto in collaboration with Sopcom (Associação Portuguesa de Ciências da Comunicação). The theme of this edition recognises that, as a result of the massification of digital media, the cultural transformation of our societies is triggering […]

Keep reading
Margarita Ledo Andión takes part in the seminar “Memoria democrática audiovisual” at the Instituto Cervantes in Paris
"Santa Liberdade" will be screened this Friday and there will be a talk with the director
03/05/2022

The University Institute of Spanish Cinema of the Carlos III University of Madrid (IUCE-UC3M) is holding a two-day seminar entitled “Audiovisual democratic memory. Extraterritoriality and resistance”. It will take place at the Cervantes Institute in Paris on Thursday 5 and Friday 6 May. The aim is to invite reflection on the signs of political and […]

Keep reading
© 2022 Estudos Audiovisuais