Actualidade
Novas e Axenda Bota un ollo á actividade do GEA

Comeza o período de análise no proxecto “Cine, diversidade e redes”

06/04/2011

A pesquisa do Grupo de Estudos Audiovisuais, “Cine, diversidade e redes”, entra na súa fase decisiva de análise das mostras, coa entrada na investigación dos grupos receptores de Arxentina, Uruguai e Brasil. O proxecto estuda a recepción de filmes galegos en países con comunidades galegas de emigrantes con dereito a voto.

Logo de máis dun ano de preparación da plataforma en liña, conformación dos grupos de recepción, e pre-test dos distintos apartados que compoñen a súa intranet específica, o proxecto Cine, Diversidade e Redes entra na súa fase determinante. A pesquisa, financiada polo Ministerio de Ciencia e Innovación a través do Plan Nacional I+D+i, conta coa participación de 6 grupos de recepción sitos en Latinoamérica que inician neste mes de abril o proceso de análise das motras do cinema galego propostas dende o Grupo de Estudos Audiovisuais.

Fan parte do proxecto a Pontificial Universidade Católica do Rio Grande do Sul (PUCRS), o Instituto Universitario Nacional da Arte (IUNA), a Universidade Nacional de Quilmes (UNQ), a Universidade da República de Uruguai (UDELAR), o Patronato da Cultura Galega de Uruguai e a Federación de Asociacións Galegas da República Arxentina.

O proxecto Cine, diversidade e redes, ten como finalidade coñecer e analizar a recepción de produtos cinematográficos galegos, a partir de determinadas variábeis tecnolóxicas que afectan aos novos modos de circulación da produción cinematográfica e audiovisual, naqueles países onde existen comunidades emigrantes que se significan pola súa condición de cidadáns con dereito a voto en ambos países e que, nesa mesma medida, constitúense en targets, ou obxectivos prospectivos de interese, especialmente en Arxentina, Brasil ou Uruguai.

Dende o punto de vista metodolóxico, o proxecto está baseado na análise dos fluxos de produtos cinematográficos do período 2003-2008 e as súas interaccións lóxico-cognitivas cos universos de recepción. A mostra, de carácter representativo, vai vai permitir unha detección das principais barreiras e motivacións que existen na comprensión e aceptación da produción cinematográfica galega nos obxectivos prospectivos de interese, así como constatar a implementación nos devanditos contidos de valores axiolóxicos (a partir das listaxes consideradas pola Comisión Europea) e determinar a influenza de variábeis formais e lingüísticas na percepción dos mesmos.

Búscase, por tanto, a satisfacción dunha dobre necesidade: unha de carácter económico e industrial, coadxuvante da apertura de novos mercados e modelos de distribución baseados na innovación tecnolóxica, e unha segunda, de carácter social, orientada á determinación daqueles codificadores culturais que faciliten a aceptación de contidos cinematográficos destinados a comunidades que, aínda xeograficamente dispersas, defínense por elementos identitarios como a lingua.

MORE NEWS
A Facultade de Ciencias da Comunicación acolle a xornada “Soundscapes: Cartografías sensoriais e paisaxes sonoras”
O GEA é un dos grupos organizadores do evento que se celebrará o xoves 16 de xuño
14/06/2022

Na súa interdisciplinariedade, os estudos sobre a paisaxe sonora das nosas cidades poden dicirnos moito acerca do xeito en que vivimos e, máis aínda, como facelo dun xeito más atento, empático e común. No día 16 de xuño teremos ocasión de reflexionarmos na USC sobre estas temáticas na xornada Soundscapes: Cartografías sensoriais e paisaxes sonoras, […]

Keep reading
Call for papers for Lusocom is now open
Proposals for the Congress can be submitted until 30 June
24/05/2022

The XIV Lusocom Congress will be held in Porto on 25-26 October and will be organised by the University of Porto in collaboration with Sopcom (Associação Portuguesa de Ciências da Comunicação). The theme of this edition recognises that, as a result of the massification of digital media, the cultural transformation of our societies is triggering […]

Keep reading
Margarita Ledo Andión takes part in the seminar “Memoria democrática audiovisual” at the Instituto Cervantes in Paris
"Santa Liberdade" will be screened this Friday and there will be a talk with the director
03/05/2022

The University Institute of Spanish Cinema of the Carlos III University of Madrid (IUCE-UC3M) is holding a two-day seminar entitled “Audiovisual democratic memory. Extraterritoriality and resistance”. It will take place at the Cervantes Institute in Paris on Thursday 5 and Friday 6 May. The aim is to invite reflection on the signs of political and […]

Keep reading
© 2022 Estudos Audiovisuais