Xornada sobre “Emisións galegas na BBC” do Consello da Cultura Galega

O 14 de abril de 1947, en pleno franquismo, comezou a primeira programación radiofónica estable en galego dende a máis prestixiosa emisora do mundo, a BBC de Londres. Cando se cumpren 75 anos do Galician Programme, o Consello da Cultura Galega celebra Emisións galegas na BBC, unha xornada onde participará a catedrática da Facultade de Comunicación da USC, Margarita Ledo Andión. O evento será o vindeiro 21 de xuño no Pazo de Raxoi e comezará coa intervención sobre Radiodifusión exterior, franquismo e Guerra Fría de Ledo Andión e Luis Zaragoza Fernández, xornalista de Radio Nacional de España e historiador.

A inscrición é gratuita e hai que realizala previamente na web do Consello da Cultura Galega.

Descargar programa completo