XESCOM Porto 2019

IV Simposio Internacional sobre Xestión da Comunicación

XESCOM é un proxecto de colaboración cientíﬁca ( R2016 / 019), ﬁnanciado en réxime de concorrencia competitiva pola Consellería de Cultura, Educación e Ordenación Universitaria da Xunta de Galicia (España), lanzado en 2014 e no que participan preto dun centenar de investigadores de universidades de todo o mundo: Universidad de Castilla La Mancha, Universidad de Huelva e Universidad Carlos III de Madrid (España); Universidade do Porto, Universidade do Minho, Universidade da Beira Interior, Universidade Fernando Pessoa e Universidade dos Açores (Portugal); University of Hull e University of Leeds (Reino Unido); Università degli Studi dei Firenze e Sapienza Università de Roma (Italia); Universidad Técnica de Machala, Universidad Pontiﬁcia Católica do Ecuador Sede Ibarra, Universidade Laica Eloy Alfaro de Manabí e CIESPAL (Ecuador); Universidade Federal da Bahía e Universidade Federal de Santa Catarina (Brasil); Universidad Autónoma de Ciudad Juárez, Universidad Autónoma de Tamaulipas, Universidad de Sonora e Universidad Autónoma de Chihuahua (México).

Dende 2015, XESCOM organiza un simposio internacional para promover o encontro entre investigadores da área da comunicación e outras áreas relacionadas. A primeira edición (2015)desenvolveuse na cidade de Pontevedra, España; a cidade de Quito, en Ecuador, recibiu a segunda edición (2016); o terceiro simposio (2018) desenvolveuse na Coruña, España; e a cidade do Porto acollerá a cuarta edición, en abril de 2019.

Baixo o título Comunicación, Medios, Industrias Creativas e Emprendemento na Era Dixital, o simposio foi estruturado para promover foros dedicados á investigación científica e á análise da situación actual da xestión da comunicación nos medios e nas organizacións empresariais e institucionais, desde unha perspectiva teórica, instrumental e empírica. Neste sentido, preténdese abordar cuestións relacionadas coa xestión da comunicación, os avances tecnolóxicos, a responsabilidade social dos medios e outras temáticas que todos os días constitúense como un constante desafío para a profesionais da área da comunicación e áreas afiliadas. Na edición de 2019, ás principais áreas de traballo de XESCOM engádense outros temas como as industrias creativas e o espírito empresarial na era dixital. O cuarto simposio desenvolverase coa colaboración da IMMAA ( International Media Manage- ment Academic Association), do PIMENED (Proxecto Integrado de Mentora, Espírito de Empresa e Modelos de Negocio en Edición Dixital) e da Universidade do Porto.

Liñas temáticas

Media e comunicación nas industrias creativas
Modelos de negocio e innovación da comunicación, medios e cultura
Mercado, produción, xestión editorial e desafíos do dixital
A economía e a xestión das artes e a cultura
Márketing en industrias creativas e culturais
Espírito de empresa na comunicación, cultural e industrias creativas
Desenvolvemento rexional e clústers nas industrias culturais creativas
Cidades creativas, intelixentes a arte urbana
Tecnoloxía aplicada ás industrias da comunicación e a cultura
Teorías e métodos en estudos de media, comunicación e cultura
Xestión da comunicación no contexto da diversidade cultural
Dinámicas de produción e mercado da cultura, o lecer e o turismo
Políticas publican na comunicación, media e industrias creativas
Televisión e futuro do servizo público audiovisual
Medios de comunicación tradicionais (prensa, radio e televisión), metamedios dixitais (blogues, sitios web, plataformas), redes sociais xeneralistas e científicas
Xornalismo no ecosistema de converxencia multiplataforma, multipantalla, transmedia e mobilidade Organización, xestión, modelos e formatos de debates electorais
Comunicación corporativa, política e institucional
Xestión de relacións públicas
Responsabilidade Social Corporativa: estratexia, impacto, implementación, avaliación, certificación e acción social
Publicidade tradicional ou novas formas de comunicación persuasiva, patrocinio, mecenado, intercambio, product placement
Neurocomunicación e neuromarketing
Comunicacións libres

Título do curso: IV Simposio Internacional sobre Xestión da Comunicación Descrición: Comunicación, Medios, Industrias Creativas e Emprendemento na Era DixitalDatas: 25/04/2019 - 27/04/2019Lugar: Porto (Portugal)

25/04/2019Porto (Portugal)

Descargas

Mediateca