Celebrada en Lyon a Xornada Wenceslao Fernández Flórez: Cinéma et Littérature con gran éxito de asistencia
Como xa indicaramos, o 10 de outubro foi celebrada en Lyon a Xornada Wenceslao Fernández Flórez: Cinéma et Littérature, vinculada ó Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España).
Deste xeito, o Grupo Estudos Audiovisuais implicouse o pasado venres nun encontro científico no que relevantes investigadores de eido internacional reflexionaron sobre as relacións entre a obra de Wenceslao Fernández Flórez e o cinema español. A xornada concluíu con gran éxito, dado o numeroso público e a elevada participación dos asistentes.
Ademais, durante o transcurso da xornada de traballo o profesor José Luis Castro de Paz anunciou o descubrimento dun descoñecido guión de Volvoreta, escrito por Francisco Regueiro para ser rodado en 1966 con produción de Cesáreo González. O Equipo de Investigación do Proxecto comezará agora unha pormenorizada análise do devandito achado que presentará en vindeiras reunións e traballos de investigación.
A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]
Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]
A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]