Actualidade
Novas e Axenda Bota un ollo á actividade do GEA

Recente publicación dun rigoroso estudo sobre Francisco Regueiro, coordinado dende o Proxecto de Investigación sobre o cinema español posbélico

16/07/2014

A editorial Shangrila publicou recentemente o volume Me enveneno de cine. Amor y destrucción en la obra de Francisco Regueiro, coordinado polos profesores da Universidade de Santiago de Compostela José Luis Castro de Paz e Xosé Nogueira, e realizado no eido do Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España).
O libro constitúe unha sólida análise formal da obra artística de Francisco Regueiro, un dos máis senlleiros creadores españois da segunda metade do século XX, claro expoñente do intransferible surrealismo ibérico.
Xunto á participación de varios membros do Proxecto de Investigación (José Luis Castro de Paz, Fernando Redondo Neira, Santos Zunzunegui, Héctor Paz Otero, Imanol Zumalde), colabora no volume un nutrido grupo de prestixiosos investigadores (Xosé Nogueira, Julio Pérez Perucha, Asier Aranzubia, José Manuel Sande, Pedro Poyato, Jaime J. Pena, José Luis Téllez, Manuel Palacio, Concepción Cascajosa, Ana Melendo, Juan A. Hernández Les, José Vicente García Santamarina) con textos centrados no estudo das manifestacións fílmicas do cineasta (dende as reveladoras pezas realizadas na súa xuventude no Instituto de Investigacións e Experiencias Cinematográficas / Escola Oficial de Cinematografía, ata todas e cada unha das longametraxes que compoñen a súa filmografía), así como nos seus traballos televisivos e a súa obra pictórica.

MÁIS NOVAS
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
Margarita Ledo Andión recibe o XII Premio de Igualdade “Ernestina Otero” 
A Catedrática recollerá este recoñecemento o vindeiro venres 15 de marzo.
07/03/2024

O Concello de Vigo e o Consello Municipal da Muller entregarán o Premio de lgualdade ”Ernestina Otero” á Catedrática emérita e membro do Grupo de Estudos Audiovisuais, Margarita Ledo Andión. A entrega do premio honorífico realizarase no transcurso dunha gala que terá lugar o venres 15 de marzo ás 20:00 horas no salón de recepcións […]

Seguir lendo
Aberta a inscrición para a décima edición do CO(M)XÉNERO. Imaxes do delito.
O seminario terá lugar nos días 8 e 9 de abril na Facultade de Cc. da Comunicación.
26/02/2024

Os días 8 e 9 de abril de 2024, a décima edición do CO(M)XÉNERO, organizada polo Grupo de Estudos Audiovisuais (GEA), aborda as prácticas fotográficas feministas, os espazos nos que se producen, as posicións dende as que se enuncian e os seus mecanismos de visibilización. Pilar Aymerich, Premio Nacional de Fotografía 2021, capturou coa súa […]

Seguir lendo
© 2024 Estudos Audiovisuais