Actualmente atópase realizando a súa tese dentro do programa de doutoramento de Comunicación e Información Contemporánea, formando parte do Grupo de Estudos Audiovisuais.

As súas principais liñas de investigación son o cinema de arquivo, a estética fílmica das enfermidades mentais e neurolóxicas e a representación do punto de vista da doenza e da morte nos filmes no período dos anos ‘80 até a contemporaneidade.

Tamén é creadora de cine ensaio e videoarte, destacando pezas como MINHAMENINHA, unha mediametraxe que trata do arquivo audiovisual familiar e da memoria, ou In Desmemoriam 3. La secuencia, unha obra experimental realizada con Intelixencia Artificial entrenada por ela mesma para evocar a sintomatoloxía do Alzheimer dende un punto de vista tanto neurocientífico como artístico.