Actualidade
Novas e Axenda Bota un ollo á actividade do GEA

Publícase o Anuário Internacional de Comunicação Lusófona 2015/2016

16/03/2017

A Asociación Galega de Investigadoras e Investigadores en Comunicación (AGACOM) e a Universidade de Santiago de Compostela (USC) veñen de publicar o último número do Anuário Internacional de Comunicação Lusófona, correspondente aos anos 2015 e 2016. O volume, dirixido por Margarita Ledo Andión, ten por título Metodologias da pesquisa, cibercultura,regulação e cooperação retoma as premisas que inspiraron o XII Congreso LUSOCOM/IIICongreso MEDIACOM, celebrado en Praia, a capital de Cabo Verde, do 19 ao 21 de outubro de 2016 e reúne as aportacións de académicos de disciplinas e procedencias diversas co obxectivo de “procurar modelos de cooperación dende a diferenza, de debater sobre a regulación como mecanismo garante da literacia mediática e como parte do dereito a comunicar, e de facelo so o signo de múltiples voces, da aposta intercultural e da relación entre iguais a partir de situacións e necesidades diferentes”.

A nova entrega do Anuário, editada por Margarita Ledo, Francisco Campos, Carlos Toural, Xosé Rúas,Ana Isabel Rodríguez, Carmen Costa e Maria Salgueiro, está dispoñible na web da AGACOM.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais