La dimensión de lo axiológico en el discurso del spot publicitario
Tese de doutoramento
O enunciado que, en forma de incógnita, preside desde o seu inicio o devir desta investigación, concrétase nun intento de situar, de detectar, se cabe, o lugar dunha particular instancia, o xuceito do inconsciente, no marco dun discurso emblemático, por omnipresente, da nosa contemporaneidade: o que configuran os spots publicitarios. Pretensión esta que, segundo consta no título xenérico, formulamos nos termos de detectar, no citado marco discursivo, a presenza do que denominamos “dimensión do axiolóxico”. Relacionadas estas dúas cuestións de partida, pode inferirse que a detección de manifestacións categoriais axiolóxicas en discursos (emblemáticos) contemporáneos tales como os publicitarios, podería darnos o parámetro básico de reflexión a propósito do Occidente contemporáneo como cultura.