Ausencia y representación, mirada y poder: la imagen que no vimos de Bin Laden

A foto de Barak Obama e o seu grupo de colaboradores, atentos todos a unha pantalla que ofrecía información sobre a operación que desembocou na morte de Bin Laden, constitúe hoxe o referente visual que informa daquel feito trascendental. Ante a ausencia da imaxe do cadáver do líder terrorista, esta outra ofrece unha rica configuración significante que, por medio dun relevante xogo de espellos, pon en conexión personaxes, accións ou lugares que, dun modo ou outro, interveñen no acontecemento noticioso. As olladas cara a un fóra de campo que se lle nega ao espectador poñen de relevo unha clara manifestación de poder e de dominio sobre o material informativo.