Actualidade
Novas e Axenda Bota un ollo á actividade do GEA

Presentada unha comunicación vinculada ó Proxecto de Investigación sobre o cinema español posbélico no “XIX Congreso de novela e cine negro” de Salamanca

23/05/2013

O pasado mes de abril, o investigador Héctor Paz Otero, membro do grupo de traballo do Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez”, participou no “XIX Congreso de novela e cine negro: A (re)invención dun xénero”, organizado pola Universidade de Salamanca. Na súa comunicación, “Un cadáver en el comedor e Intriga. Da metaliteratura á metacinematografía”, o investigador abordou unha análise da película Intriga, dirixida en 1942 por Antonio Román a partir da novela de Wenceslao Fernández Flórez Un Cadáver en el comedor, prestando especial atención á vertente autorreflexiva presente en ámbalas dúas obras, e recapacitando así na influencia da literatura do autor galego na conformación de certos modelos de estilización experimentados pola cinematografía española ó longo dos anos corenta e cincuenta. Deste xeito, a comunicación constitúe a primeira exposición nun congreso dalgunha das principais cuestións estudadas no eido do Proxecto de Investigación.

MÁIS NOVAS
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
Margarita Ledo Andión recibe o XII Premio de Igualdade “Ernestina Otero” 
A Catedrática recollerá este recoñecemento o vindeiro venres 15 de marzo.
07/03/2024

O Concello de Vigo e o Consello Municipal da Muller entregarán o Premio de lgualdade ”Ernestina Otero” á Catedrática emérita e membro do Grupo de Estudos Audiovisuais, Margarita Ledo Andión. A entrega do premio honorífico realizarase no transcurso dunha gala que terá lugar o venres 15 de marzo ás 20:00 horas no salón de recepcións […]

Seguir lendo
Aberta a inscrición para a décima edición do CO(M)XÉNERO. Imaxes do delito.
O seminario terá lugar nos días 8 e 9 de abril na Facultade de Cc. da Comunicación.
26/02/2024

Os días 8 e 9 de abril de 2024, a décima edición do CO(M)XÉNERO, organizada polo Grupo de Estudos Audiovisuais (GEA), aborda as prácticas fotográficas feministas, os espazos nos que se producen, as posicións dende as que se enuncian e os seus mecanismos de visibilización. Pilar Aymerich, Premio Nacional de Fotografía 2021, capturou coa súa […]

Seguir lendo
© 2024 Estudos Audiovisuais