A doutora Margarita Ledo Andión, directora do Grupo de Estudos Audivisuais, presenta en Bos Aires o volume Cine, Diversidade e Redes. Pequenas Cinematografías, Políticas da Diversidade e Novos Modos de Consumo Cultural, unha publicación do GEA e a Área Trasndepartamental de Crítica de Artes do Instituto Universitario Nacional del Arte (IUNA) da Arxentina . O libro foi redactado ao abeiro dun dos máis recentes proxectos de I+D+i do GEA , “Cine, Diversidade e Redes” que tiña como finalidade coñecer e analizar a recepción de produtos cinematográficos galegos a partir de determinadas variables tecnolóxicas e culturais que afectan aos novos modos de circulación da produción audiovisual en Arxentina, Brasil e Uruguai. A pesquisa conta coa colaboración de investigadores e grupos de recepción da Universidad Nacional de Quilmes, o IUNA e o Museo da Federación Galega en Arxentina, da Pontificia Universidade Católica de Río Grande do Sul en Brasil, e da Instituto Escuela Nacional de Bellas Artes de la Universidad de la República e o Patronato da Cultura Galega en Uruguai.
Na mesa de presentación do volume interveñen:
Margarita Ledo: directora da investigación e da obra.
Patricia Alonso e Ruy Farías: coordinadores do grupo de recepción do Museo da Emigración Galega
Óscar Traversa: coordinador do grupo de recepción da IUNA
Data de celebración: 31 de outubro de 2013
Hora de celebración: 17:30 h
Lugar de celebración: IUNA. Bartolomé Mitre, 1869. 3º andar Aula Maior. Bos Aires.
Prologo Cine, Diversidad y Redes. A Gumucio
A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]
Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]
A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]