Actualidade
Novas e Axenda Bota un ollo á actividade do GEA

Peche do curso “Innovación en Escenografía Virtual Avanzada: Aston 3D Suite e Infinity Set de Brainstorm Multimedia”

26/06/2015

A Facultade de Ciencias de Comunicación da USC acolle o acto de clausura do “Curso de Innovación en Escenografía Virtual Avanzada: Aston 3D Suite e Infinity Set de Brainstorm Multimedia” , realizado entre o 23 e o 26 de xuño baixo a dirección de Enrique Castelló Mayo (Grupo de Estudos Audiovisuais). Esta actividade de formación especializada de 25 horas de duración, foi impartida por Miguel Jiménez Moya, deseñador e operador gráfico de Brainstorm Multimedia. Como especialista no deseño de liñas gráficas e sets virtuais en tempo real, Miguel Jiménez é un referente internacional, tanto no desenvolvemento de formatos e aplicacións gráficas, como en calidade de formador de eStudio, Aston 3D, Easy Set, e outros produtos Brainstorm.
O curso ofrece unha inmersión eminentemente práctica na Escenografía Virtual Avanzada, a través dunha intensa e personalizada experimentación das posibilidades creativas e tecnolóxicas deste tipo de contornas que desafían as leis físicas e que son xa unha constante na produción dixital contemporánea. A introdución á lóxica, e á estratexia compositiva da escenografía virtual 3D e dos seus virtuais interactivos en tempo real, o deseño e execución de operacións básicas e avanzadas da escenografía virtual, así como a aprendizaxe das rutinas de realización nun plató interactivo 3D, son só parte das temáticas abordadas neste curso realizado íntegramente nas instalacións da Facultade de Ciencias da Comunicación.
A iniciativa serve de consolidación da dilatada colaboración entre o Grupo de Estudos Audiovisuais da USC e Brainstorm Multimedia, unha transnacional española con máis de vinte anos de experiencia en investigación e desenvolvemento de escenografía e grafismo virtuais 3D en tempo real. Amais de formar parte do catálogo de Cursos de Verán da USC, a actividade formativa encádrase na estratexia de desenvolvemento do Grupo de Estudos Audiovisuais para o período 2014-2016, en tanto grupo investigador beneficiario das Axudas para a Consolidación e Estructuración de Unidades de Investigación Competitivas do SUG.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais