Actualidade
Novas e Axenda Bota un ollo á actividade do GEA

O próximo Congreso da AEHC contará cunha ampla participación de estudos realizados no Proxecto de Investigación sobre a pegada de Wenceslao Fernández Flórez no cinema posbélico

18/10/2013

A finais do vindeiro mes de novembro celebrarase en Bilbao o XIV Congreso Internacional da Asociación Española de Historiadores do Cine, que nesta ocasión xirará arredor da relación da noción de xénero coa evolución da cinematografía española, co título “De Cimientos y Contrafuertes. El papel de los géneros en el Cine Español”. Aproveitando o importante eido de difusión que constitúe o congreso, preténdese una ampla representación de estudos vinculados ao Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez”. Así, o propio Investigador Principal, José Luis Castro de Paz, aproveitará a ocasión para presentar publicamente as claves da investigación á comunidade científica encargada da historiografía e a análise do cinema español. Ademais, está previsto que varios membros do plan de traballo procedentes de diferentes universidades interveñan nas seccións oficiais con tres relatorios (Héctor Paz Otero e Fernando Gómez Beceiro da Universidade de Santiago de Compostela, e Alejandro Montiel Mues da Universidad Politécnica de Valencia) e unha comunicación (Sonia García López da Universidad Carlos III de Madrid) nas que exporán diversos aspectos analizados ao abeiro do Proxecto.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais