Actualidade
Novas e Axenda Bota un ollo á actividade do GEA

O Proxecto de Investigación sobre a pegada de Wenceslao Fernández Flórez no cinema español posbélico prepara un simposio de cara á vindeira primavera

15/10/2013

Coincidindo co cincuenta aniversario do pasamento de Wenceslao Fernández Flórez, a comezos da primavera de 2014 celebrarase un simposio que xirará arredor de cuestións esenciais do Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez”, e que estará dirixido polo Investigador Principal, José Luis Castro de Paz. O encontro levará por título “Costumismo, humor, melancolía, reflexividade: Pegada de Wenceslao Fernández Flórez no cinema español” e a el acudirán varios membros do equipo do proxecto, así como destacados expertos en disciplinas afíns ao obxecto do estudo e que enriquecerán a investigación coas súas contribucións. Posteriormente, tódalas achegas do simposio serán editadas nun volume que servirá de eixo central ao proxecto. Polo de pronto, podemos confirmar que a conferencia inaugural correrá a cargo de José-Carlos Mainer e versará sobre a figura do escritor coruñés vista dende os nosos días.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais