Actualidade
Novas e Axenda Bota un ollo á actividade do GEA

O I+D+i sobre o cinema español posbélico colabora esta semana nun congreso sobre Torrente Ballester o cinema español

14/06/2015

O xoves 18 e o venres 19 celebrarase en Santiago de Compostela o Congreso de cinema e literatura Gonzalo Torrente Ballester y/en el cine, organizado polo I+D+i da Universidade de Vigo Gonzalo Torrente Ballester (III) (FFI2012-34025. Mineco – Goberno de España), coa colaboración do I+D+i da Universidade de Santiago de Compostela Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648. Mineco – Goberno de España) e a Fundación Gonzalo Torrente Ballester.
O congreso está dirixido por Carmen Becerra Suárez e José Luis Castro de Paz (Investigadores Principais de ámbolos dous Proxectos) e participarán destacados expertos na investigación cinematográfica (José Luis Castro de Paz, Julio Pérez Perucha, Santos Zunzunegui, Alejandro Montiel, Manuel Palacio e Héctor Paz Otero), moitos deles membros do equipo do proxecto sobre o cinema español posbélico.
Alternaranse conferencias sobre as relacións entre o escritor e o cinema español coa proxección das películas Rebeldía (1953) e Surcos (1951), dirixidas por José Antonio Nieves Conde con guión de Gonzalo Torrente Ballester.
Tódalas sesións desenvolveranse na Fundación Gonzalo Torrente Ballester e a entrada ó congreso é de balde. Outorgarase certificado de asistencia.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais