Actualidade
Novas e Axenda Bota un ollo á actividade do GEA

O Grupo de Estudos Audiovisuais participa no Congreso IAMCR 2015

17/07/2015

Do 12 ao 17 de xullo a International Association for Media and Communication Research celebra en Montreal unha nova edición do seu congreso anual. Con sé na Université du Quebec á Montreal (UQAM) e baixo o título “Hexemonía ou resistencia, o papel ambiguo da comunicación”, o congreso aborda as diversas formas de concepción do termo ‘comunicación’ na sociedade contemporánea, en tanto valor vencellado a un ideal de transparencia social e de comunidade e en tanto ameaza en termos de dominación global. Neste contexto, o investigador do Grupo de Estudos Audiovisuais Fernando Redondo Neira, presenta o martes 14 de xullo a comunicación “Contemporary conflicts and videos on the internet between fascination and knowledge”. Por outra banda, investigadoras do proxecto de I+D+i “Cara o Espazo Dixital Europeo. O papel das pequenas cinematografías en versión original.” (MINECO, CSO2012-35784), tamén tomarán parte como ponentes do evento. Ana Isabel Rodríguez, María Soliña e Miren Manias presentan o luns 13 de xullo a comunicación “Crever l’hégémonie à la distribution filmique: langues minorisées et la distribution numérique”. O xoves 16, Margarita Ledo, Antía López e Marta Pérez defenden o traballo “An Act of Resistance: The Cinema of Small and Stateless European Nations in ‘Minor’ Languages”.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais