Actualidade
Novas e Axenda Bota un ollo á actividade do GEA

O GEA celebra o Foro Internacional ‘As Linguas e o Cinema. Indicadores para un programa europeo de subtitulado’

18/05/2018

Os días 21 e 22 de maio terá lugar o Foro Internacional ‘As linguas e o Cinema. Indicadores para un programa europeo de subtitulado’ na Facultade de Ciencias da Comunicación da Universidade de Santiago de Compostela. Organizado polo Grupo de Estudos Audiovisuais, o foro reúne a investigadoras e investigadores do cinema e a tradución audiovisual na contorna europea co obxectivo de formular indicadores cara unha política harmónica de subtitulado da produción cinematográfica e audiovisual en linguas europeas non hexemónicas.

Ademais das sesións plenarias arredor das que se centrará o foro, este pecharase coa proxección dunha mostra de traballos de subtitulado de linguas non hexemónicas. O programa completo do foro está dispoñible aquí.

A asistencia é aberta previa comunicación do enderezo electrónico estudosaudiovisuais.usc@gmail.com. Entregarase diploma de asistencia aos alumnos das Universidades do Sistema Universitario Galego, así como aos asistentes non estudantes que o soliciten expresamente.

MÁIS NOVAS
Integrantes do proxecto EUVOS participan no Congreso “Cine e Crise no Mediterráneo”
Do 22 ao 26 de outubro na Universitat de Valéncia
19/09/2018

O equipo investigador do proxecto de I+D+i “EUVOS. Patrimonio Cultural Inmaterial. Para un programa europeo de subtitulado en linguas non hexemónicas” (AEI, ref. CSO2016-76014-R) participa cun panel no Congreso “Cinema e Crise no Mediterráneo” que se celebra na Facultat de Filologia, Traducció i Comunicació da Universitat de València, do 22 ao 26 de outubro de 2018. O […]

Seguir lendo
Aberto o envío de comunicacións ao IX Encontro Anual da Associação de Investigadores da Imagem em Movimento
Até 15 de novembro de 2018
18/09/2018

A Associação de Investigadores da Imagem en Movimento (AIM) invita a enviar propostas de comunicación para o seu IX Encontro Anual, que terá lugar en Santiago de Compostela do 13 ao 16 de maio de 2019, coa colaboración da Facultade de Xeografía e Historia da USC. Admítense propostas en portugués, galego, castelán ou inglés, que […]

Seguir lendo
Margarita Ledo participa na presentación da exposición itinerante GalizAmérica
A mostra amosa o espertar da conciencia galega en América a través da laboura dos intelectuais emigrados
12/09/2018

A Sala das Cunchas do Grove é o lugar escollido para dar apertura a esta mostra que homenaxea a cultura galega na diáspora. De setembro a decembro, a exposición promovida pola Deputación de Pontevedra e comisariada por Carmen Carreiro e Ramón Nicolás, percorrerá Gondomar, A Guarda, Redondela e Poio. GalizAmérica percorre a historia da colectividade galega no exlilio […]

Seguir lendo
© 2018 Estudos Audiovisuais