Actualidade
Novas e Axenda Bota un ollo á actividade do GEA

O espazo Dispara da Estrada organiza un obradoiro fotográfico de colodión húmido

31/05/2016

O 18 e 19 de xuño, o artista visual, fotógrafo e docente Francisco Gómez impartirá un obradoiro de colodión húmido no espazo Dispara da Estrada. O colodión húmido é unha técnica de mediados do século XIX que, ao igual que o daguerrotipo, caracterízase polo seu grande poder de definición. Realízase con cámaras de gran formato e os soportes empregados habitualmente son o vidro ou o metal, preparados cunha base de colodión húmido e prata, polo que cada fotografía é unha peza única.

O obradoiro enmárcase no interese actual pola recuperación dos procesos antigos. Durante a realización do curso, cada un dos dez alumnos previstos realizará un colodión co seu retrato persoal. O prezo é de 99 euros polas 12 horas de curso (8 o sábado e 4 o domingo), e a inscrición pode facerse na dirección dispara@dispara.org.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais