Actualidade
Novas e Axenda Bota un ollo á actividade do GEA

Novas comunicacións vinculadas ó Proxecto de Investigación sobre o cinema español posbélico no XIV Congreso de Literatura Española Contemporánea

08/07/2013

O pasado mes de xuño as Universidades de A Coruña e Santiago de Compostela acolleron o XIV Congreso Internacional de Literatura Española Contemporánea, dedicado nesta ocasión á cuestión social na literatura, o cinema e a prensa. Proseguindo co labor de difusión dos avances do Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez”, tres membros do grupo de traballo participaron no congreso con dúas comunicacións relacionadas co eido do estudo. Así, o xoves 20, Fernando Gómez Beceiro e o Investigador Principal, José Luis Castro de Paz, presentaron “Shanti Andía en el cine español posbélico. El complejo debut de Arturo Ruiz-Castillo”, mentres que o venres 21 foi a quenda de Héctor Paz Otero e, de novo, J. L. Castro de Paz co “Estudio analítico, histórico y textual, del film Ha entrado un ladrón (1949), de Ricardo Gascón”. En ámbalas dúas intervencións afondouse nos modos de estilización configurados nas películas españolas dos anos corenta, así como na influencia da literatura de Wenceslao Fernández Flórez no cinema do devandito período.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais