Actualidade
Novas e Axenda Bota un ollo á actividade do GEA

Marta Pérez abre o Seminario de Crítica Feminista no Play-Doc 2018

03/05/2018

A profesora de Comunicación Audiovisual e membro do GEA, Marta Pérez Pereiro, tomou parte do Seminario de Crítica Feminista organizado pola revista A Cuarta Parede dentro da 14ª edición do Festival Internacional de Documentais Play-Doc. Esta quinta edición do seminario de crítica, que tivo lugar nos días 28 e 29 de abril no Teatro Municipal de Tui, estivo co-organizada por Brais Romero Suárez, membro do GEA e contou, ademais, coa participación de Marga Carnicé Mur, profesora da ESCAC e investigadora da Universitat Pompeu Fabra, e Elena Oroz, crítica de cinema e profesora asociada da Universidad Carlos III de Madrid.

A profesora Marta Pérez inaugurou o seminario cunha sesión que indagaba arredor dunha arqueoloxía da crítica feminista desde os anos setenta ata a actualidade, pasando por autoras como Laura Mulvey ou Claire Johnston. O texto, resumo do relatorio da profesora, está publicado na web da revista A Cuarta Parede.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais