Actualidade
Novas e Axenda Bota un ollo á actividade do GEA

Marta Pérez Pereiro debate sobre a relación entre os cinemas galego e lusófono no Festival Primavera do Cine de Vigo

18/05/2016

A investigadora do Grupo de Estudos Audiovisuais Marta Pérez Pereiro intervirá como oradora no coloquio “Vías de colaboración entre o cinema galego e o lusófono” organizado no marco do Festival Primavera do Cine de Vigo. O debate, que terá lugar o sábado 21 de maio ás 18:00 horas no Auditorio do Instituto Camões, centrarase nas relacións existentes entre a cinematografía galega e a dos países da área lusófona na produción, a distribución e a exhibición cinematográficas e aboradará, asemade, o emprego das tecnoloxías emerxentes como soporte de difusión destas culturas. Na sesión, coordinada polo director do Instituto Camões, Joao Ribeirete, participarán Artur Barros (director do Festival de Cine de Braga), Mario Micaelo (Director do Festival de Curtas de Vila do Conde) e o guionista, investigador e director da extinguida Axencia Galega do Audiovisual, Manolo González.
Máis información na web do festival

MÁIS NOVAS
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
Preséntase os resultados do proxecto “Cara a unha gobernanza participativa do patrimonio cultural material e inmaterial na cidade de Santiago de Compostela”.
Trátase dunha iniciativa de Aprendizaxe-Servizo, na que o alumnado se converte en voluntario con capacidade para mellorar unha necesidade social da súa contorna
25/09/2018

Un podcast cultural sobre os cafés teatro de Compostela, un mapa sonoro da cidade, un percorrido fotográfico polos barrios ou pequenas pezas audiovisuais son algúns dos resultados do proxecto de innovación educativa ‘Cara a unha gobernanza participativa do patrimonio cultural material e inmaterial na cidade de Santiago de Compostela’ que este mércores se presentarán na […]

Seguir lendo
© 2018 Estudos Audiovisuais