Actualidade
Novas e Axenda Bota un ollo á actividade do GEA

Margarita Ledo participa nun debate organizado por Brasilegos Contra o Golpe coa directora Anna Muylaert e a proxección de “Que horas ela volta?”

31/05/2016

A coordinadora do Grupo de Estudos Audiovisuais, Margarita Ledo Andión, participará o xoves 2 de xuño nun debate na Biblioteca Pública Ánxel Casal arredor do filme Que horas ela volta?, de Anna Muylaert, coa propia directora da obra. O evento está organizado por Brasilegos Contra o Golpe e encádrase na denuncia do proceso de impeachment aberto contra a presidenta Dilma Rousseff. O filme trata os conflitos que suceden entre unha empregada doméstica brasileira e os seus patróns, criticando as desigualdades da sociedade do Brasil, e vén de acadar numerosos recoñecementos a nivel internacional, entre os que destaca o premio á mellor actriz no Festival de Sundance ou o Premio do Público no Festival de Berlín.

A sesión, que comezará ás seis da tarde, é aberta pero conta cun aforo limitado a setenta persoas.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais