Actualidade
Novas e Axenda Bota un ollo á actividade do GEA

Margarita Ledo participa no seminario “Visualidades en tensión” na Universidade de Sevilla

02/11/2016

A Revista Científica de Información e Comunicación (IC) organizou para o próximo 9 de novembro un seminario co título “Visualidades en tensión”. Terá lugar de 10:30 a 13:30 no Salón de Graos da Facultade de Comunicación da Universidade de Sevilla, e nel participará a coordinadora do Grupo de Estudos Audiovisuais, Margarita Ledo.

No seminario, a organización procura a reflexión sobre a extensión actual da produción e difusión audiovisual por parte dunha variedade de actores que van dende o grupo terrorista ISIS aos colectivos indignados como #NuitDebout, pasando por persoas que difunden momentos da súa vida privada, partidos políticos, institucións ou ONGs. Margarita Ledo presentará alí o relatorio “Acciones (in)diferentes, tensiones latentes”. Ademais dela, intervirán Remedios Zafra (Universidade de Sevilla) e Concha Mateos (Universidad Rey Juan Carlos), e proxectarase o documental Contramarea (Carlos Escaño e María Iglesias, 2016).

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais