A 19ª edición do Festival de Cine Español de Málaga acollerá os días 25 e 26 de abril o IV Encontro de Cinema Documental. Baixo o título “Doce anos despois: estado da cuestión” este evento de vocación transversal reunirá a cineastas, investigadores universitarios, programadores, distribuidores, críticos e responsables de canles de televisión e organismos públicos co fin de analizar a situación deste xénero na cinematografía estatal.
Margarita Ledo Andión estará entre os académicos que toman parte nas xornadas, nas que tamén intervirán Mirito Torreiro (Universidade Carlos III), Josep María Català (Universidade Autónoma de Barcelona), Josetxo Cerdán (Universidade Carlos III), Vanesa Fernández Guerra (Universidade do País Vasco) e Miguel Fernández Labayen (Universidade Carlos III).
Participarán os directores Elías León Siminiani, Virginia García del Pino, Albert Solé, David Varela e Alejandro Alvarado e os produtores Felipe Lage (Zeitun Films), Tania Balló (Intropía Media), Tono Folguera (Lastor Media) e José Antonio Hergueta (MLK Producciones).
O evento contará coa presenza dos programadores Gonzalo de Pedro (Festival de Locarno y Márgenes), Javier Miranda, (Alcances), Roberto Cueto (Cineteca Madrid) e Moisés Salama (Festival de Málaga. Cine Español), e os distribuidores Enrique Costa (Avalon) e Enrique Piñuel (Playtime Audiovisuales). Tamén invervirán Andrés Luque (Televisión Española), Benito Herrera (Agencia Andaluza de Instituciones Culturales), Joan Salvat (Sense Ficció, TV3) e Jaume Ripoll (Filmin).
As xornadas terán lugar na sé do Reitorado da Universidade de Málaga e a inscrición é gratuita ate completar aforo.
Para máis información: encuentrodocumental@festivaldemalaga.com
O encontro está organizado polo Ayuntamiento de Málaga e o Festival de Málaga coa colaboración da Agencia Andaluza de Instituciones Culturales da Consejería de Cultura da Junta de Andalucía, a asociación Pro-docs (Asociacio de productors de documentals), o proxecto de I+D ‘Las relaciones transnacionales en el cine digital hispanoamericano: los ejes de España, México y Argentina (CSO2014-52750-P)’, financiado polo Ministerio de Economía y Competitividad e a Universidade de Málaga.
Descargas:
Programa completo
Cartaz do evento
A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime político ditatorial que existía no país veciño desde 1926. As cinco xornadas que compoñen o programa das xornadas que conmemoran os 50 anos deste feito histórico, desenvolveranse desde o […]
Neste 2024 AGAPI celebra o seu 30 aniversario e unha das accións que vai levar adiante é a celebración dunhas xornadas formativas itinerantes polas tres universidades galegas nas facultades de Ciencias da Información dentro do Grao de Comunicación Audiovisual da Universidade de Santiago de Compostela (USC), Universidade de Vigo (UVIgo) e Universidade da Coruña (UDC). […]
A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]