Actualidade
Novas e Axenda Bota un ollo á actividade do GEA

Margarita Ledo participa na presentación do proxecto “Cinema e Muller” na Mostra de Cinema Periférico (S8)

31/05/2016

Margarita Ledo, coordinadora do Grupo de Estudos Audiovisuais, intervirá o sábado 4 de xuño, na Sala (S8) do PALEXCO da Coruña, nun debate sobre cinema e xénero como parte da presentación do proxecto “Cinema e Muller” na séptima edición do (S8) Mostra de Cinema Periférico. O debate estará moderado por Ángel Suanzes e participarán tamén nel as impulsoras do proxecto, Xisela Franco e Beli Martínez, así como Diana Toucedo, Jaione Camborda, Carla Andrade e Xiana Gómez-Díaz, protagonista esta última tamén dun foco especial na Mostra no que se presentarán os seus filmes.

O proxecto, promovido dende a Deputación de Pontevedra, nace coa intención de dotar de visibilidade ás creadoras do audiovisual para fomentar unha maior participación das mulleres na creación da cultura e da arte. A iniciativa inclúe, ademais da organización de charlas e unha mostra de cinema galego que tivo lugar entre Pontevedra e Vigo o pasado marzo, un mapeo de mulleres realizadoras vinculadas á provincia e un filme colaborativo, Visións, que se proxectará para pechar o acto e inclúe as seguintes curtas: Listen to Me de Carla Andrade, Proxectar-se de Eva Calvar, 1/2 de Olaia Sendón, Ambos mundos de Claudia Brenlla, Ei, guapa! de Sonia Méndez, Aava de Andrea Zapata-Girau, Aquí dentro de Lara Bacelo, Zeitübergreifend de Begoña M. Santiago, Voguing de Carme Nogueira e Corpo preto de Diana Toucedo.

Esta edición do (S8), que terá lugar entre o 1 e o 5 de xuño, leva o nome “Os novos impresionistas”, e reunirá a cineastas como Stephen Broomer ou Jacques Perconte, ademais de adicar un programa histórico á cineasta, teórica e crítica Germaine Dulac.

https://youtube.com/watch?v=QDGTThTxhZ4

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais