Actualidade
Novas e Axenda Bota un ollo á actividade do GEA

José Luis Castro de Paz, elixido novo presidente da Fundación Wenceslao Fernández Flórez

27/12/2014

O Investigador Principal do Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez, (CSO2012-34648. Ministerio de Economía e Competitividade. Goberno de España. Plan Nacional de I+D+i 2013-2015), José Luis Castro de Paz, acaba de ser elixido novo presidente da Fundación Wenceslao Fernández Flórez. O catedrático de Ciencias da Comunicación e membro do Grupo Estudos Audiovisuais toma deste xeito o relevo á fronte da entidade do anterior presidente e membro fundador Antonio Montero Carro, trala súa dimisión o pasado mes de setembro por motivos persoais.
A institución de Cambre xa tiña colaborado co Proxecto como demostra a súa implicación na celebración do Simposium Internacional Costumismo, humor, melancolía, reflexividade: Impronta de Wenceslao Fernández Flórez no cinema español, pero con este feito a relación resultará aínda máis fortalecida xa que tamén formarán parte do novo padroado os integrantes do equipo Xosé María Dobarro Paz, José María Folgar de la Calle e Héctor Paz Otero.
Trátese polo tanto dunha nova de grande interese para o Proxecto dado o alcance cultural e a repercusión que acadarán as investigacións que se están a realizar no seu seo, así como a posibilidade de emprender futuras accións desde unha íntima cooperación entre o Grupo Estudos Audiovisuais e a Fundación Wenceslao Fernández Flórez.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais